UZ

Сўнгги янгиликлар

02:00Olamsport: Чимаев билан жанг қилишни исташмаяпти, Ўзбекистонда ММА турнири ва бошқа хабарлар  0 00:53Артета: “Тьяго “Барселона”далигидаёқ менга ёқарди, у ажойиб футболчи”  1 00:18Темурхўжа Абдухолиқов: "Туғилган куним эмас, гол ҳақида ўйладим"  2 00:11“Боруссия” 16 ёшли ярим ҳимоячи билан келишувга эришди  1 23:43ПСЖ посбони яна жамоага қайтди  0 23:07"Металлург" - "Локомотив" 2:2. Бекободдан ГАЛЕРЕЯ  0 23:02Дастлабки танлов ғолиби - Хоразм вилоятида яшовчи Оҳунжон Аминов   1 22:48"Пахтакор" - "Истиқлол" учрашувини уммонлик ҳакамлар бошқариб боришади  8 22:42Унаи Эмери: “Месси дунёнинг энг яхши ўйинчиси ва шундай бўлиб қолади”  5 22:02Александр Ежов: "Энди таркибни ўзгартирмасак бўлмайди"  1 22:02"Тоттенхэм" тўғридан-тўғри Англия Лига Кубогининг 1/8 финалига чиқди, рақиб – "Челси"   1 21:52Исломбек Исмоилов: "Олти нафар асосий таркиб футболчимизда жароҳат бор"  1 21:51Мората "Ювентус"да ўзига рақам танлади   4 21:34Азар ва Асенсио "Реал"нинг "Бетис"га қарши ўйин учун қайдномасидан жой олмади   2 21:15"Барса" Зинченкони бир йилга ижарага олмоқчи   7

Коронавирус Хитой футболига қандай таъсир кўрсатмоқда? Янгиликлар

Коронавирус Хитой футболига қандай таъсир кўрсатмоқда?

Яхши биласиз, охирги пайтларда Хитойнинг Ухань шаҳрида пайдо бўлган коронавирус атамаси жаҳон матбуотидан тушмай қолди.

Бу эса ўз навбатида нафақат одамларнинг турмуш тарзига, балки Хитой футболига ҳам катта таъсир ўтказяпти. Қуйида ушбу "кўринмас ажал"нинг спортга ўтказаётган таъсири ҳақида тўхталамиз. 

Суперкубок қолдирилди 

5 февраль куни чемпион "Гуангжу Эвергранд" ҳамда Кубок соҳиби "Шанхай Шенхуа" ўртасида Суперкубок бўлиб ўтиши белгилаб қўйилганди. Суперкубок шарқий Хитойдаги Жиангсу провинциясида жойлашган Сужу шаҳрида ўтказилиши режа қилинган ҳамда шу ўйин билан янги мавсумга старт бериш кутилганди. 

Лекин мамлакатда тарқалган коронавирус сабаб Суперкубок номаълум муддатга қолдирилди. Хитой футбол ассоциацияси бу ҳақда шундай баёнот берди: "Кенг жамоатчиликнинг бир жойда тўпланишига ҳукумат томонидан рухсат берилмаётгани сабабли Суперкубок номаълум муддатга қолдирилди. Ўйин қачон ва қаерда бўлиб ўтиши ассоциация томонидан кейинроқ маълум қилинади". 

Клублар дастлабки 3 турни сафарда ўтказади 

Айнан коронавирус сабаб ОФК Хитой клублари ОЧЛдаги дастлабки учта турни сафарда ўтказишини маълум қилди. Бу йилги Осиё чемпионлар лигасида Хитойдан "Бейжинг ФК", "Шанхай Шенхуа", "Гуангжу Эвергранд" ҳамда "Шанхай СИПГ" иштирок этади. 

Ҳозирча тўрттала жамоа ҳам дастлабки 3 турни сафарда ўтказиши аниқ бўлиб улгурди. Қолган учта тур ҳам сафарга кўчирилиши мумкин. Чунки ОФК берган маълумотда 4,5,6-турлар қаерда бўлиб ўтиши вазиятга қараб ойдинлик киритилади дейилган. 

Суперлига қачон старт олиши номаълум 

Хитой Суперлигаси аслида 22 февралдан бошланиши лозим эди. Лекин тушунарли сабабга кўра, янги мавсум старти номаълум муддатга қолдирилди. Энди катта эҳтимол билан Суперлига баҳсларига баҳорда старт берилади. 

Мамлакат спорт вазирлиги бу борада шундай чиқиш қилди: "Халқимиз саломатлигини ўйлаб барча спорт турларидаги халқаро ва ички мусобақаларни апрель ойига қадар тўхтатиб турамиз". 

Воқеалар қандай тус оляпти? 

- Коронавирус аломатлари Хитойдан ташқари АҚШ, Канада, Франция, Япония, Жанубий Корея, Таиланд ва Сингапурда ҳам кўрина бошлади. 

- Хитой ҳукумати Ухань ва Хуанган шаҳарларини ёпиб қўйишди. Мамлакатнинг катта қисми изоляция ҳолатига тушган. Кўплаб ресторан ва кинотеатрлар ёпилиб, улар ўрнига касалхоналар қуриляпти. 

- 26 январь куни Хитой футбол ассоциацияси аёллар ўртасидаги Олимпия ўйинларига саралаш босқичи Хитойдан Австралияга кўчирилишини расман маълум қилди. 

- 3-9 февраль кунлари Хитой, Австралия, Таиланд ва Хитой Тайпейи ўртасида футбол бўйича халқаро мусобақа бўлиб ўтиши лозим эди. Бу ўйинни ҳам Хитойда ўтказиш бекор қилинди. 

- Хитойнинг Дунгуан шаҳрида теннис бўйича Федерация Кубоги ўтказилиши лозим эди. Бу мусобақа Қозоғистонга кўчирилди ва 4-8 февралга белгиланди. 

- 24 январь куни Хитой баскетбол федерацияси ички чемпионат ўйинлари номаълум муддатга қолдирилганини эълон қилди. 

- Коронавирус киберспортга ҳам катта таъсир ўтказди. Тўғри, интернет орқали онлайн тарзда компьютер ўйинларини ўйнаса бўлади. Бироқ Хитойда киберспорт LAN шаклида ривожланган бўлиб, бунда ўйинчилар компьютер қаршисида ўтиргани билан уларни катта экранлар орқали минглаб мухлислар томоша қилади. 

- Эпидемия сабаб Хитойда анча урф бўлган League of Legends чемпионати ҳамда WESG Олимпиадаси номаълум муддатга қолдирилди. Шунингдек, Starcraft II, CS:GO, Hainan Master Spring Invitational мусобақаси ҳам ўтказилмаяпти. Бундан эса ташкилотчилар миллионлаб доллар миқдорида молиявий зарар кўрган. 

Юлдузларга нима бўлади? 

Маълумки, Хитой чемпионатида кўплаб юлдузлар фаолият юритади. Ҳозирда кўпчилик хорижлик футболчилар мамлакатни тарк этса, чемпионат қай аҳволда қолишидан саросимага тушган. 

Масалан, биргина "Шанхай СИПГ"да тўп тепаётган легионерларни олайлик. У ерда Халк, Оскар, Арнаутович, шунингдек ҳамюртимиз Одил Аҳмедов ҳам бор. Ҳозирда баъзи ОАВ юлдузлар ўзаро келишувга кўра шартномани бекор қилиш ҳақида ўйлай бошлаганини ёзмоқда. 

"Гуангжу Эвергранд"да бош мураббий сифатида Фабио Каннаваро ишлаб келмоқда, футболчилардан Паулиньо ва Талиска тўп тепяпти. Лекин кимда иккита фуқаролик бўлса, мамлакатдан чиқиб кетиш осон бўлмайди. Масалан, ўтган йил Хитой фуқаролигини қабул қилиб, ҳатто миллий терма жамоада ўйнашга улгурган Элкесон нима қилади? 

Лекин ҳозирча факт шуки, ҳеч ким ўз клубини тарк этгани йўқ. Ҳамма жимгина воқеалар ривожи қандай якун топишини кутмоқда.

Муаллиф : Xayrulla Xoliqov
Рейтинг: -24   

Фикрлар

championat.asia
< сўнгги янгиликларни кўриш
Яндекс.Метрика