Бу ҳақда журналист Фабрицио Романо ўзининг X ижтимоий тармоғидаги саҳифасида маълум қилди.
Футболчи ушбу жамоага ўтиш ва Лионель Месси билан бир клубда тўп суришни жуда ҳам хоҳламоқда. Эркин агент мақомидаги текин трансфер АПЛнинг сўнгги туридан кейин якунига етиши керак.
Бундан олдинроқ, Каземиро шартнома муддати тугагач, мавсум охирида "Манчестер Юнайтед"ни тарк этиши ҳақида хабар берилган эди. Шунингдек, футболчи Бразилия терма жамоасининг 2026 йилги жаҳон чемпионати учун қайдномасидан жой олган.
Футболчи 2022 йилда Мадриднинг "Реал" клубидан "Манчестер Юнайтед"га ўтган эди. Жорий мавсумда Каземиро "қизил иблислар" сафида 35 та ўйинда майдонга тушиб, ўз ҳисобига 9 та гол ва 2 та голли узатмани ёздириб қўйди. Transfermarkt портали берган маълумотларга кўра, футболчининг бозор қиймати 8 миллион еврони ташкил этади.
