- Ўйин ҳақида фикрингиз?
- Биринчи навбатда мухлисларимизни қўлга киритилган қийин ғалаба билан табриклайман. Ажойиб ўйин кўрсатдик деб ўйлайман, бунинг учун футболчиларга раҳмат айтаман. Ўз ўйинимизни намойиш этганимиз боис якунда ғалаба қозондик. Баҳс тўлиқ назоратимиз остида кечди.
Узоқ танаффусдан сўнг майдонга қайтиш қийин кечди ва буни табиий ҳол деб ҳисоблайман. Юриб турган поезд қўзғалиб олиши учун кўп куч талаб қилади. Жамоамиз ритмга тушиб олиши учун бироқ вақт керак. Деярли икки ярим ой мобайнида етакчи футболчиларсиз машғулот ўтказдик, бунинг ҳам таъсири билинди. Умуман ҳар бир ҳолат ўйин сифатига таъсир қилади.
Бугун ҳар иккала таймда сифатли футбол намойиш этишга ҳаракат қилдик. Балки бугун мавсумдаги энг қийин баҳсни ўтказган бўлишимиз ҳам мумкин, чунки узоқ танаффусдан кейин қайтиш барибир осон кечмайди. Учинчи зонада ҳимояни ёриб ўтишга бутун дунё жамоалари қийналяпти. Кўпчилик яхши ҳимояланишга ўтиб олди. Шундай бўлдики, Икром Алибоевни марказий ҳимояга ўтказиб, Йован Жокични ҳужумга қўйганимиздан сўнг иккинчи голни киритишга эришдик.
