Каталонияликлар икки ўйин натижасига кўра (0:2, 2:1) мусобақани тарк этишди.
"Атлетико"ни ярим финалга чиққани билан табриклайман. Аммо бу кечаги шармандали ҳакамлик ва VAR ишини оқламайди, буни қабул қилиб бўлмайди.
Биринчи ўйинда бизнинг фойдамизга тоза пенальти белгиланмади, шунингдек, футболчиларимиздан бири четлатилди. Аслида у сариқ карточкага лойиқ эди, чунки Жулиано тўпни назорат қилмаётганди. Ҳакам аввалига тўғри қарор қабул қилганди, лекин VAR аралашиб, қарорни ўзгартиртирди ва қизил карточка кўрсатилди.
Бу қарама-қаршиликда ҳакамлик қарорлари бизга жуда қаттиқ зарар етказди, бу жавоб ўйинида ҳам такрорланди. Эрик Гарсия сўнгги ҳимоячи эмасди, Кунде тўпга бемалол етиб олиши мумкин эди. Ҳакам сариқ карточка кўрсатди ва бу тўғри эди, аммо VAR яна уни қарорини ўзгартиришга мажбур қилди. Яна бир хато.
Ферраннинг голи инобатга олиниши, Ольмога нисбатан пенальти белгиланиши керак эди. Ферминга нисбатан бўлган агрессияни ҳамма кўрди. Бунга қандай баҳо беришни ўзингиз биласиз. Бу чидаб бўлмас ҳолат, йигитнинг жароҳатини тикишаётганда у азобланди, буни қабул қилиб бўлмайди.
Биз шикоят қилгандик ва бизга бу қабул қилинмаслигини айтишди. Энди биз нима учун эканлигини тушунтиришларини сўраймиз. Юсте яна бир шикоят берилишини айтди. Кеча бизга нисбатан қилинган иш — шармандалик", — деди Лапорта.
Эслатиб ўтамиз, "Барселона" ва "Атлетико" ўртасидаги баҳслар кўплаб баҳсли вазиятлар билан ёдда қолди. Эндиликда клуб раҳбарияти ўз ҳуқуқларини ҳимоя қилиш учун навбатдаги ҳуқуқий қадамларни ташлашга тайёрланмоқда.
