"Биз ушбу футболчига жуда қизиқмоқдамиз ва таклифимиз қабул қилинишини хоҳлаган бўлар эдик. Буни "Атлетико"га бўлган тўлиқ ҳурмат билан амалга оширмоқдамиз ва уларнинг билишини истаймизки: агар уларда ушбу ёзги трансфер ойнасида футболчини сотиш имконияти бўлса, таклифимизни қабул қилишлари шарти билан уни сотиб олишга тайёрмиз.
Авваламбор шуни айтмоқчиманки, биз "Атлетико" ва унинг раҳбариятига катта ҳурмат билан қараймиз. Бир-биримизни кўп йиллардан бери биламиз. Ҳаммаси қандай юз берганини тушунтириб бермоқчиман.
Биз клубга таклиф билан чиқдик. Мен ушбу таклифни Мигель Анхель Хиль билан телефон орқали шахсий суҳбатда тасдиқладим. Улар менга Хулианнинг ўрнига бошқа ўйинчилари йўқлиги сабабли футболчини сотмоқчи эмасликларини айтишди. Мен эса қизиқиш билдираётганимизни, лекин уларнинг сотмаслик ҳақидаги қарорини ҳурмат қилишимизни, бироқ ушбу трансфер ойнасида ўринбосар топишса, трансферга тайёр эканимизни билдирдим.
Шундан сўнг Деку билан улар футболчини сотмаётган экан, бу масалани кейинга суришга қарор қилдик. Кейин нима бўлди? Биз "Атлетико" футболчининг трансфери бўйича бошқа клублар билан музокара олиб бораётгани ҳақида маълумот олдик.
Биз ҳали ҳам таклиф беришга тайёрмиз, чунки футболчининг "Барса"га ўтишни хоҳлаётгани ҳаммага маълум. Бу вазият кўп шов-шувга сабаб бўлди, аммо "Барса"нинг бунга алоқаси йўқ. Биз Энрике Сересо билан гаплашдик, сўнг у ўзи фикр билдирди. Мен уни жуда ҳурмат қиламан ва айтмоқчиманки, "Барса" муносиб ҳаракат қилди. Биз бошқа клублар билан қандай йўл тутган бўлсак, бу ерда ҳам шундай йўл тутдик.
Таклифимиз ҳали ҳам ўз кучида ва "Атлетико" футболчини сотишни истаб қолган тақдирда амалда бўлиб қолаверади", — дейди Лапортанинг сўзларини "AS" нашри.
