ЖЧ-2026’да аргентиналиклар финалгача етиб бориб, қўшимча бўлимларда Испанияга 0:1 ҳисобида мағлуб бўлишди. 24 июнь куни 39 ёшга тўлган ҳужумчи миллий терма жамоа сафида жами 207 та ўйин ўтказиб, 125 та гол урди ва 68 та голли узатмани амалга оширди.
"Мен ушбу хабарга тайёр бўлиб бўлганман деб ўйлагандим, бироқ кўриниб турибдики, ундай эмас экан.
Аргентиналик сифатида, терма жамоа мухлиси, жамоадош ва дўст сифатида мен учун қилган барча ишларинг учун раҳмат!
Сен ҳақингда, сенинг меросинг ва футболчи, лекин энг аввало инсон сифатидаги буюклигинг ҳақида гап кетганда, сўзлар ортиқчалик қилади. Бизнинг терма жамоада... Сенинг терма жамоангда сен билан бирга тўп тепиш менга насиб этганидан бахтиёрман.
Мен сени яхши кўраман. Ҳар доим бахтли бўлгин. Бизга бошдан кечириш имконини берган барча нарсаларинг учун мамлакатимиз сендан доимо миннатдор бўлади!!!", – деди Паредес.
