Жасур Абдураимов: "Мусобақа орқали Осиё чемпионатига тайёргарлик кўрдик"

"Четлатиш биз учун кутилмаган бўлди. Шароф Муҳитдинов билан бир ярим йилдан буён бирга ишлайман. Бунгача у хатто сариқ карточка ҳам олмаганди.

Октбярь ойига қадар Яхши сифатларимизни кучайтиришимиз керак. Мусобақа яхши савияда ташкил этилди. Унда ғолиб бўлганимиздан хурсандмиз. Таркибимизнинг ҳар бир чизиғида камчилик бор. Уларни кузгача кучайтиришимиз лозим.

Жамоамиздаги кўплаб футболчилар олий лига клубларида асосий таркибда ўйнашмоқда. Бу бизнинг ютуғимиз. Ўтган йил бундай футболчилар деярли йўқ эди. Замонавий футболда барча ҳужумда, барча ҳимояда ўйнаши лозим. Ёшлар футболи жуда тез ўзгарувчан бўлади. Катталар футболига ўтиш вақтида футболчиларни тўғри тарбия қилиш керак.

Жасур Яхшибоев ўйинга қўшилиб кета олмади. Бу оддий ҳолат. Уни уришмадик, сўкмадик. Сабаби ёшлар футболида бўлиб туради. Финалда ўзини кўрсатишни истади. Яхшибоев жуда ҳам қобилиятли футболчи. Октябрь ойида у ўзини кўрсатади. Санжар Қодирқулов эса ўзини Ўзбекистон-2 жамоасида яхши томонлама кўрсатди ва асосий жамоага чақирув олишга лойиқлигини исботлади. Финал учрашувига ҳам уни таркибга киритдим. Бироқ эрталаб 90 дақиқа ўйнагани учун майдонга тушира олмадим", - дейди Жасур Абдураимов.

Нарзулла Сайдуллаев