Таъкидлаш жоизки, Африка жамоаси четлатишлар сабабли ўйинни тўққиз киши бўлиб якунлади.
"Биринчи қизил карточка борасида, назаримда, баҳслашадиган ҳеч нарса йўқ. Аммо иккинчи эпизодда, менинг фикримча, мексикалик футболчи менинг ўйинчимни блоклаб қолган эди. Футболда бунақаси бўлиб туради, бироқ ҳакам бошқача қарор қабул қилди. Ўйинни тўққиз киши бўлиб тугатишга мажбур бўлганимиз бироз ачинарли.
Ҳисоблайманки, жамоам яхши ўйин ўтказди. Баъзи вазиятларда мексикаликлар ҳатто довдираб қолишди ва бўш ҳудудларни қандай топишни билишмади. Умуман олганда, ҳаммаси ёмон эмасди. Кейинги ўйингача яхшилашимиз керак бўлган ягона жиҳат — тўп билан ҳаракат қилишдир. Бугун бу ишни энг юқори даражада бажара олмадик, шу боис бунинг устида ишлашимиз керак", — дея Брооснинг сўзларини келтиради BBC.
