- Ўйин ҳақида
- Нима дейиш мумкин, ҳисоб айтиб турибди. Ёмон бошламагандик, лекин шунақа ўйинлар бўлиб туради. Худдики ўйинни назорат қилаётгандек кўринасиз, лекин рақиб ўзининг кам сонли ҳужумларини реализация қилади ва кейин бу психологияга таъсир қилади. Биринчи бўлимда ҳам яхши ўйнаётган эдик, лекин рақиб ўз голларини урди. Ўйинга мос ҳисоб бўлди деб ўйламайман. Иккинчи бўлимда эса қизил карточкалар ҳал қилди ва учрашув бузилиб кетди. Бу ҳақда нимадир дейиш қийин.
- Сизнинг жамоангиз Пролигадаги энг тартибди жамоа эди. Карточка олиш бўйича ҳам энг кам кўрсаткичлардан бирига эга эди. Бугун эса буни тескариси бўлди, бу нима билан боғлиқ?
- Агар қизил карточка бўйича фикр билдирсак, биринчи қизил берилган ҳолатни мен тўлиқ кўриб олишим керак. Лекин биринчи таассуротдан кўринишича, у ерда футболчи тўпга ўйнашга ҳаракат қилганди. Бундай ҳолатда ҳам пенальти ҳам қизил берилмайди. Агар ўйинчини тўпга умуман имконияти бўлмаганда, тушунса бўларди. Иккинчи қизил карточкада эса менимча биринчи рақиб ўйинчиси қўл кўтарганди. Лекин икки футболчи ҳам қизилга муносиб ҳаракат қилишди. Шу ҳолатларда сўнг, биринчи бўлимдаги голлардан сўнг футболчиларим психологик томондан, интизом томондан ўйин тизгинини қўлдан чиқариб юборишди.
- Бугунги ўйинда ҳимоячиларингиз биринчи марта тўп тепаётгандек кўринишди. Оддий ҳолатларда ҳам голларга сабабчи бўлишди. Бу н-има билан боғлиқ?
- Қайси вазиятда бундай бўлди? Кўп айтаман, бу футболчилар ўтган йили биринчи лигада ўйнаган йигитлар. Биз ҳозирда ўзимизнинг даражадан анча юқори савияда футбол ўйнаяпмиз. Бу мусобқа ҳам юқори савияда. Бундан бошқа сабаблар ҳам бор. Айрим футболчилар энди Пролигада ўйнашяпти. Тажриба орттириш лозим. Бизда нима имконият бўлса, шу кўринади, биз алдолмаймиз. Узоқ муддатли турнирда кўп нарса рол ўйнайди. Захира ўриндиғи ҳам муҳим. Шу пайтга қадар иккита тўп фарқи билан ҳам деярли ютқазмагандик. Бугун эса йирик ҳисоб.
Йирик ҳисоб бўлгандан кейин, олдинга ўтишга ҳаракат қилинди. Агарда ҳимояга ётиб олганимизда, балки бундай ҳисоб бўлмасди. Йигитлар бир киши кам бўлиб қолгандан кейин ҳам ҳисобни қисқартиришга уринишди, бу эса акс таъсир бермай қолмади. Рақиб захира ўриндиғидаги футболчилар ҳам майдонга тушиб, ўйинни кучайтирганини тан олиш керак. Ўйин темпини ошириб юборишди. Шу нарса катта таъсир кўрсатди.
- Иккита пас ўйнайдиган жамоага бугунги майдон ҳолати таъсир ўтказмадими?
- Бундан баттар майдонларда ҳам ўйнаганмиз. Кейинги турни катта эҳтимол билан "Арал" майдонида бўлади, стадионимиз ёпилади. "Дўстлик"да кўп ўйинлар ўтказилди, шу сабаб ҳолат ёмонлашиб қолди.
