Мураббий Фабио Каннаваро бошчилигидаги жамоа гуруҳ босқичида Колумбия (1:3), Португалия (0:5) ва Конго ДРга (1:3) мағлуб бўлди.
— Жаҳон чемпионати бошқа даража, у ерда ўйнаш жуда қийин эди. Бундай турнирга биринчи марта чиқяпмиз. Бу биз учун тажриба. Умид қиламанки, кейинги жаҳон чемпионатларида яхшироқ ўйнаймиз.
— Нега очко ололмадингиз?
— Биз ўзимизга унчалик ишонмадик, ҳаяжонда эдик. У ерда юқори даражадаги футболчилар ўйнайди, кўпчилиги эса Чемпионлар лигаси ғолиблари.
— Каннаваронинг ишини қандай баҳолайсиз?
— Ўзбекистон терма жамоасининг барча ўйинларда мағлуб бўлишида Фабионинг айби йўқ. Биз жисмоний жиҳатдан яхши ҳолатда эдик. Каннаваронинг ёрдамчилари бизга кўп нарсани ўргатишди. Футболчиларнинг бундай иштирокига ўзлари айбдор, — деди "Рубин" ҳимоячиси.
