Бу ҳақда журналист Екрем Конур X ижтимоий тармоғидаги саҳифасида маълум қилди.
Манба маълумотига кўра, Мадрид клуби "Манчестер Сити" ярим ҳимоячиси Родри билан шартнома имзолай олмагач, Локателлига эътибор қаратган. Ҳозирда "Реал" испаниялик хавбекнинг "Барселона"га ўтиши мумкинлиги ҳақидаги миш-мишлар фонида муқобил вариантларни танламоқда.
"Ювентус" Локателлини арзонга қўйворишга шошилмаяпти. Футболчи Турин клуби билан шартномасини 2030 йилгача узайтирган. Шу билан бирга, "Ювентус" футболчиларни сотиш орқали бюджетни тўлдириши керак: клуб аллақачон Рандаль Коло Муани ва Керим-Сэм Алайбегович билан шартнома имзолаган ва энди янги трансферлар учун маблағ бўшатиши керак.
Мануэль Локателли 2021 йилдан бери "Ювентус"да ўйнаб келмоқда — унинг ҳисобида клуб сафида 230 та ўйин бор. Transfermarkt ўйинчини 25 млн еврога баҳоламоқда.
