Ислом Исмоилов: "Ғалабани катта ёки кичиги бўлмайди. Барчасининг замирида меҳнат ётади"
15 авг 2023 21:40
Янгиликлар

Ислом Исмоилов: "Ғалабани катта ёки кичиги бўлмайди. Барчасининг замирида меҳнат ётади"

Ўзбекистон ўсмирлар терма жамоаси бугун Mirabror Usmonov Cup-2023 мусобақасида сўнгги учрашувини Черногорияга қарши ўтказди.

Ҳал қилувчи баҳсда вакилларимиз европалик тенгқурларини 6:1 ҳисобида мағлубиятга учратди ва бош совринга эга чиқди. Учрашувдан сўнг терма жамоа устози Ислом Исмоиловнинг фикрларини тингладик.

"Биринчи навбатда барча юртдошларимизни ғалаба билан табриклайман. Ғалабани катта ёки кичиги бўлмайди. Барча ғалабалар замирида катта меҳнат ётади. Мусобақага етарли даражада тайёргарлик кўрдик ва бу ўз самарасини берди.
Бу терма жамоа йиғилганига 2 йил ҳам бўлгани йўқ. Бир қатор халқаро ўртоқлик учрашувларида майдонга тушдик. Бўлажак турнирлар олдидан бу фойдали, бўлди деб ўйлайман.
Жамшидбек Рустамовни келажаги порлоқ. Бу ёшда ўтиш даври, шу боис тўхтаб қолмаслиги керак. Олдимизда турган асосий мусобақаларда ҳам ўзининг голлари билан ёрдам берса, хурсанд бўламиз", - дейди Ислом Исмоилов.

Ҳавола :

Манба : championat.asia

Янгиликларни Телеграмда ўқинг!

Рейтинг: +1