UZ

Сўнгги янгиликлар

16:40Карикатура. Клопп: "Биз ван Дейкни яхши рафиқа эрини қамоқдан қайтишини кутгандек кутамиз"  5 16:33ЕЧЛ: МЮ Парижда, "Юве" Киевда, "Боруссия" Римда меҳмон бўлса, "Барса" ўз уйида ўйнайди (превью)  2 16:14Рамос "Реал"нинг машғулотини ўтказиб юборди ва катта эҳтимол билан "Шахтёр"га қарши баҳсда майдонга тушмайди  0 15:50Olamsport: Хабибнинг энг кучли футболчилар рейтинги, Гэтжига қарши жанг учун қанча гонорар олиши ва бошқа хабарлар  0 15:38Карикатура: Пикфорд "Ливерпуль"ни асосий ўйинчисидан айирди  1 15:17"Барселона" ЧЛнинг янги мавсумдаги илк ўйини учун қайдномасини эълон қилди  10 14:53Это'О France Football'ни ҳурматсизликда айблади: "Мен ўнгда 1-2 мавсум ўтказганман, марказий ҳужумда эса 25 йил ўйнаганман"  8 14:50Coca Cola Суперлига. 19-тур рамзий терма жамоаси  1 14:29"Хоразм" "Шўртан"ни мағлуб этган ўйиндан ГАЛЕРЕЯ  5 14:29Спортчилар ижтимоий тармоқларда  0 14:19Жонс январда МЮдан кетмоқчи  1 14:04Ўзбекистон МТЖ 12 ноябрь куни бўладиган ўйинга бир ҳафта олдин йиғилади  21 13:50Сабалета "Манчестер Сити"га қайтиши мумкин  1 13:28Неймар ПСЖ билан шартномани узайтирмоқчи, аммо клуб ҳали музокараларни бошламади  0 13:15"Турон" ва "Зомин" ўртасидаги ўйиндан ГАЛЕРЕЯ  0

Интервью. Бахтиёр Ашурматов: "Бунёдкор"га қарши ўйин жамоамиз учун бурилиш нуқтаси бўлади" Янгиликлар

Интервью. Бахтиёр Ашурматов: "Бунёдкор"га қарши ўйин жамоамиз учун бурилиш нуқтаси бўлади"

“Қўқон-1912” жамоаси учун Суперлиганинг 2-давраси бироз кўнгилсиз натижалар билан бошланди.

Жамоа кетма-кет иккита ўйинда мағлубиятга учради. "Қўқон-1912" матбуот хизмати вазият ҳамда ўзларининг саломатликлари борасидаги саволлар билан жамоа бош мураббийи Бахтиёр Ашурматовга мурожаат қилди.

- Бахтиёр Аъзамович аввало соғлиқларингиз яхшими?
- Гапни очиғи "Бухоро"га қарши ўйиндан кейин томоғим бўғилиб қолган эди. Эртасига озгина температурам кўтарилди. Шу сабабли "Металлург"га қарши ўйинга тайергарлик жараёнида қатнаша олмадим. Лекин ўйинга бир кун қолганда Қўқонга келиб "Металлург" билан ўйинни ўзим бошқардим. Ўйиндан кейин касалим яна озгина кучайди. "Сўғдиёна" билан ўйиндан олдин ПЦР анализини топширдик. Анализ жавоблари яхши чиқди ва машғулотни ўзим ўтказишга қарор қилдим. Лекин афсуски машғулотда совуқ ўтиб температурам кўтарилиб кетти. Ҳолатим шу даражага етдики, қувватсизликдан актив ҳаракат қилишим ҳам оғирлашиб қолди ва яна машғулотларни қўйиб юборишга мажбур бўлдим. Бу вақт ичида ўпкамни рентген қилдириб кўрганимда 15 фоизга ўпка шамоллаши, енгил пневмония ташҳисини қўйишди ва шифокорлар клиникага ётиб даволанишни ёки уй шароитида даволаниш учун қўшимча даволаниш курсини ёзиб беришди. Афсуски шу сабабли "Сўғдиёна" билан бўлган муҳим ўйинни ўтказиб юборишга мажбур бўлдим. Худога шукр ҳозир ахволим нисбатан яхши ва жамоамизнинг машғулотларига қўшилдим.

- “Қўқон-1912” жамоаси мавсумнинг биринчи ярмини кўтаринки руҳда ўтказди ҳам турнир жадвалида 3-ўринни эгаллаган эди. Кутилмаганда 2-давра учрашувларини дуранг ҳамда мағлубиятлар билан бошладик. Бунга қандай изоҳ берасиз?

- Тўғри 1-давра ўйинларини кўтаринки руҳда ўтказдик. Афсуски 2-давра ўйинларини муваффақиятсиз бошладик. Мухлисларимиз ҳам ҳавотирга тушишмоқда. Ҳар хил гап сўзлар кўпаймоқда. Афсуски бетоблигим туфайли ўзим 10 кун ичида фақат "Металлург" билан ўйинга ва фақат битта машғулотга чиқа олдим холос. Лекин мураббийларимиз штаби яхши шаклланган. Зоҳид ака Нурматов ва Даврон Файзиев бошчилигида машғулотлар яхши савияда олиб борилган. Даврон Файзиев яхши савиядаги мураббий ва ишончли дўст эканлигини биламан. Зоҳид ака Нурматов эса мени ярим сўздан тушунадиган ишончли инсоним ва ёрдамчим. Айтмоқчи бўлганим мағлубиятларда бош мураббий сифатида ўзим айбдорман. Иккинчи даврада омад ҳам бизни тарк этгандек. Яна битта хатомиз биринчи даврадан кейин таркибимизни ўзгартирмаганимиз деган хулосага келяпман. Айрим сабабларга кўра хоҳлаган ўйинчиларимизни жамоага ололмадик. Айтайлик Самарқанддан Амиржон Сафаров трансфери учун 100 миллион сўм сўрашди. "Истиқлол"дан ёш ҳужумчи Акбар Султоновни клуби қўйиб юбормади. Жавоҳир Сидиқовни оламиз деганимизда "Пахтакор" таркибида асосий таркибда туша бошлади. "Пахтакор"дан Асадбек Собиржоновни ҳам афсуски ижарага ололмадик. Тўғри таркибимиз ёмон эмас. Лекин барибир янги қон керак экан. Ўйинимизда ҳам афсуски пасайиш юзага келди. Чемпионат ўйинларини бир хил темпда ўтказиш хам осон эмас. Мисол учун, "Навбаҳор" еттита ўйиндан бери ютолмаяпти. Яхши таркибга эга бўлган АГМК 4та ўйинда ғалаба қозона олмади. Ўйлайманки бу қийин вазиятдан йигитлар билан бирга ёруғ юз билан чиқиб кетамиз.

Иккита мағлубият бизни ҳам жуда хавотирга солмоқда. Энг ёмони 1-даврада мағлубиятга учраган ўйинларимизда охиригача курашиб мағлубиятга учрагандик. Иккита ўйинда эса афсуски характер ва охиригача курашиш етишмади. Шу сабабли "Сўғдиёна" билан ўйиндан кейин йигитлар билан гаплашиб олдик. Иккита ўйиндаги мағлубият сабабларини таҳлил қилдик ва ўйлайманки кейинги ўйинларда мухлисларимиз яна жангавор ўйинларга гувоҳ бўлишади. Тўғри жамоа ғалаба қозонганда камчиликлар хам кўзга ташланмайди. Жамоанинг характери, аҳиллиги шунақа қийин пайтда билинади.



- Ҳозирги кунда жамоадаги ички муҳит ва жамоа аъзоларининг саломатликлари қандай, олдиндаги учрашувларга ҳамма тайёрми яъни таркибда йўқотишлар йўқми?

- Худога шукр ҳозир жамоамиздаги ички муҳит ижобий томонга ўзгарган. Муҳит яхши бўлишида ва қийин вазиятдан чиқиб кетишимизда жамоамиз етакчилари Мурод Холмуҳаммедов, Қувондиқ Рўзиев, Александр Мерзляковнинг роли катта бўлиши керак. Таркибида шундай етакчи футболчилари ва улар қаторида Ойбек Рустамов, Суҳроб Бердиев каби футболчилар бўлган жамоа хар доим юқори ўринлар учун курашиши керак. Мурод Холмуҳаммедовни эса бемалол Ўзбекистоннинг бу йилги мавсумдаги энг кучли футболчилари қаторига қўшсак бўлади. Рўзиевдан ҳам умидим жуда катта. Чемпионатнинг энг меҳнаткаш футболчиларидан бири.

Афсуски юртимизга келган пандемия жамоамизни хам четлаб ўтмади. Лекин биз қандай натижа кўрсатишимиздан қатъий назар бу касалликларни сабр ва бардош билан енгиб ўтишга қарор қилгандик. Жамоамиздаги деярли ҳамма футболчилар бу касалликни енгиб ўтишди. Вақти келганда ўйин қайдномасига киритишга ўйинчи ҳам етмай қолди. Жамоамиз етакчиси Мурод Холмуҳаммедов, Қувондиқ Рўзиев ўйинларни ўтказиб юборишди. Музаффар Музаффаров олти ой деганда жароҳатидан қутулиб энди сафимизга қўшилди. Афсуски "Сўғдиёна" билан ўйиндан олдин дарвозабонимиз Музаффар Абдуллаев ва ҳужумчимиз Ҳамидулло Абдуҳамидовда хам тест натижалари яхши чиқмади ва улар ўйинни ўтказиб юборишди. Лекин бу ўйинларни муваффақиятсиз ўтказишимизга сабаб бўла олмайди. Иккита футболчимиздан ташқари қолган футболчиларимиз худога шукр соғ-саломат ва "Бунёдкор" билан бўладиган ўйинга тайёр.

- Бизни олдинда “Бунёдкор” жамоасига қарши учрашув кутиб турибди. Бу ўйин олти очколик ўйин бўлиши аниқ. Мухлисларимиз эса ўз майдонимизда жамоадан фақат ғалаба кутишади.

- "Бунёдкор" билан жуда ҳам муҳим бўлган қийин ўйин кутиб турибди. Бу бизнинг жамоамиз учун бурилиш ўйини бўлади. Биз мухлисларимиз учун ҳам бу ўйинда ғалаба қозонишимиз керак. Афсуски жамоамиз учун қийин бўлган вазиятда мухлисларимизнинг қўллаб-қувватлашлари жамоамизга етишмаяпти. Ҳар йили Суперлигада қолиш учун курашадиган жамоа ўз ишончли ўйинлари билан мухлислар мехрини ва ишончини қозонди. Энди мухлисларимиз биздан юқори ўринлар учун курашишимизни кутишмоқда. Мухлисларимиз бунга ҳақлилар. Футболда мухлислар ишончини, меҳрини қозониш жуда қийин. Лекин ишончни йўқотиш жуда осон. Футболчиларимиз ҳам вазиятни тушуниб туришибди ва "Бунёдкор"га қарши ўйинда вазиятни ўнглаш учун бор кучларини ишга солишади. Биз мураббийлар штаби футболчиларимизга ишонамиз.



- Жамоада молиявий муаммолар йўқми? Мураббий ҳамда футболчилар маош ва мукофот пулларини ўз вақтида олишяптими?

- Худога шукр жамоамизда молиявий муаммолар йўқ. Бахтиёр ака Толипов бошчилигидаги раҳбариятимиз ойлик маошлари ва мукофот пулларини вақтида беришяпти. Шуҳрат ака Мўминов эса ажойиб ташкилотчи. Ўйинларга тайергарлик кўриш жараёни, машғулотлар учун майдон топишда, касалланган футболчиларимизни даволаш учун дори-дармон етказишда, меҳмонхоналарга жойлашишимиз, футболчиларнинг овқатланиш жараёнлари, Тошкентдаги йиғинлар ташкил қилишда Шуҳрат аканинг ўрни беқиёс. Умуман олганда Қўқонда ташкилий ишлар юқори даражада йўлга қўйилган. Жамоамиз футболчилари номидан жамоамиз раҳбариятига яратилаётган шароитлар учун миннатдорчилик билдирган бўлардим.

- Мухлисларимизга тилакларингиз?

- Мухлисларимиз жамоамиз бахтига доимо соғ саломат бўлишсин. Илтимос жамоамизни қийин пайтда хам қўллаб-қувватлаб туришсин.Футболда ғалаба ва мағлубият доимо ёнма-ён юради. Лекин ишонч билан айтаманки мухлисларимиз ишончини ҳеч қачон суистеъмол қилмаймиз. Жамоамизга ишонишсин. Биз мухлисларимиз учун ўйнаймиз. Худо хоҳласа тезроқ стадионга қайтинглар ва жамоамизни қўллаб қувватланглар. Мухлисларсиз футболнинг ҳам файзи йўқоларкан. Тез орада мухлисларнинг стадионларга киришларига рухсат берилади деб ишониб қоламиз. Барча азиз мухлисларимизга соғлик тилайман!

 

Рейтинг: +10   

Фикрлар

+1   
26 сен 12:48:38
Baht
Qoqonga omad shijoat bn oynasa yutamiz
+1   
26 сен 12:24:14
Kokand football city
Бунедкорни ютмасек булмайди Бахтиер ака иложи йук
   
29 сен 19:30:22
Akbar Qirol
Kokand football city фойдаланувчининг фикрига жавоб бериш
Бунедкорни ютмасек булмайди Бахтиер ака иложи йук
TOTALIZATOR QIROLI BAXTIYOR ETIMI DEME YUTASILA. SABABI OYLISIZ KAMANDA HOLAGAN IWINI QIP TAWIDI. PFLGAYAM, UFAGAYAM TUPURADI
   
29 сен 19:28:32
Akbar Qirol
BAXTIYOR AWURMATOV TOTALIZATORI DOIMIY MIJOZI DIP EWITKANMAN. BUNIKDA OYLI OMAYAPTI OYIN4ILA AN4ADAN BERI WUNGA ABRAMOV OYINI SOTIWGA INDAMI ROZI BOSA KERE. ANA TOMOWAYU MANA TOMOWA BOLADI IWONMASELA STADIONGA TUWIP OYINI JIVOY AMALLAP KORILA
   
27 сен 02:58:06
Baribir_MU
Ashurmatov nechta jamoani boshqargan kim biladi?
   
26 сен 20:51:33
Мелиев Жамшид
Эртага Бунёдкор га очко беришга хаккимиз йук олга кукон
   
26 сен 16:47:25
Chempionat azia
Kukonga omad lekin stadion talabga jovob bermedi bizgayam yahshi stadion busa uyn chiroyli buladi
   
26 сен 15:11:25
Akbar Qirol
Автомобилист фойдаланувчининг фикрига жавоб бериш
Сиз санаган клублар хомийси Давлатимизни хозирги кундаги ишлаб турган завод,фабрикалари хисобланади.К,ук,он1912 клуби хомийликсиз хам шу даражада уйин курсатяпти.Худо хохласа чемпионлик учун харакат к,иладиган вак,ти хам келади.
Homiy bomasa Kamanda Istiqlolga oxwap tarqap ketadi. Homiy bomaganda koplap futbol4ila Qoqonda ounap yurmasdi
   
26 сен 15:11:16
Akbar Qirol
Автомобилист фойдаланувчининг фикрига жавоб бериш
Сиз санаган клублар хомийси Давлатимизни хозирги кундаги ишлаб турган завод,фабрикалари хисобланади.К,ук,он1912 клуби хомийликсиз хам шу даражада уйин курсатяпти.Худо хохласа чемпионлик учун харакат к,иладиган вак,ти хам келади.
Homiy bomasa Kamanda Istiqlolga oxwap tarqap ketadi. Homiy bomaganda koplap futbol4ila Qoqonda ounap yurmasdi
   
26 сен 13:57:23
Автомобилист
Akbar Qirol фойдаланувчининг фикрига жавоб бериш
Xolis Futbol Eksperti sifatida bemalol etiwim munkinki Qoqon jamoasi bu yil 5,7 orinlardan birini oliw u4un kurawadigon Salohiyatga ega. Paxtakor, Bunyodkor, Agmk, Metallurg, Nasaf, Mawalar bn baxslawiw an4a qiyin ke4adi
Сиз санаган клублар хомийси Давлатимизни хозирги кундаги ишлаб турган завод,фабрикалари хисобланади.К,ук,он1912 клуби хомийликсиз хам шу даражада уйин курсатяпти.Худо хохласа чемпионлик учун харакат к,иладиган вак,ти хам келади.
   
26 сен 13:17:56
Farhod_bek1990
Bunyodkorga omad.
   
26 сен 13:10:00
Akbar Qirol
Xolis Futbol Eksperti sifatida bemalol etiwim munkinki Qoqon jamoasi bu yil 5,7 orinlardan birini oliw u4un kurawadigon Salohiyatga ega. Paxtakor, Bunyodkor, Agmk, Metallurg, Nasaf, Mawalar bn baxslawiw an4a qiyin ke4adi
   
26 сен 12:31:40
Автомобилист
Бахтиёржон ишонамиз сизга,эртага режа узгариб к,олмасин.
championat.asia
< сўнгги янгиликларни кўриш
Яндекс.Метрика