- Жаноб Моҳаммаднаби, Эрон терма жамоаси учун мундиал кўпроқ муаммоли воқеийликлар билан ёдда қолди. Жаҳон чемпионатидаги ўша адолатсиз воқеийликлар ҳақида яна нима дейишимиз мумкин? ОФК вакили сифатида бу Эрон терма жамоасига нисбатан катта ҳурматсизлик бўлди... Сизнингча, Жаҳон чемпионатидаги бу ҳолат қанчалик адолатсиз? Эрон ҳукумати терма жамоанинг АҚШда ўтган мундиалдаги иштирокидан қониқдими?
- Биламан, Жаҳон чемпионати атрофида кўплаб мавзулар бор, иншаАллоҳ, келажакда тарих буни ўзи холис баҳолайди. Эрон, Ўзбекистон, Жанубий Корея, Япония — уларнинг барчаси Жаҳон чемпионатидаги Осиё жамоалари эди. Аммо бу турнирда ушбу жамоаларнинг ҳар бири ўзига хос турлича сценарий бўйича иштирок этди.
Масалан, Эрон терма жамоаси учун дастлаб режалаштирилган йиғини бошқа жойда ўтиши керак эди. Калифорниянинг Ирвайн шаҳридаги база бизнинг асосий устувор танловимиз эди, аммо АҚШ терма жамоаси уни ўзига олиб қўйди. Биз бошқа вариантни танлашга ва йиғинни Аризонага ўзгартиришга мажбур бўлдик. Эрон терма жамоаси АҚШга, Аризонадаги йиғинга етиб боришига бор-йўғи икки ҳафта қолганида, тўсатдан, бизнинг хабаримизсиз, базамизни Мексиканинг Тихуана шаҳрига ўзгартиришди.
Ўзингиз хулоса қилишингиз мумкин: жамоанинг административ координацияси, техник координацияси ва хаёлингизга келиши мумкин бўлган барча бошқа масалалар — йиғин учун зарур бўлган энг кичик деталлардан тортиб, АҚШ стадионларидаги ўйинларда иштирок этишгача — буларнинг барчаси бутунлай қоидалар бузилган ҳолда амалга оширилди. Қандай бўлмасин, ФИФА ва турнир мезбони — АҚШнинг бевосита кўрсатмаси билан биз ушбу турнирда қатнашишга мажбур бўлдик. Биз барча қийинчиликларга рози бўлдик. Лекин агар биз учун бу ноқулай шароитлар юзага келмаганида эди, биз албатта Жаҳон чемпионатининг кейинги босқичларига чиққан бўлардик.
Биз узоқроққа бора олмаганимиз учун Жаҳон чемпионати биздан қарздор бўлиб қолди! Биз Жаҳон чемпионатидан қарздор эмасмиз, улар биздан қарздор! Чунки айнан улар кейинги босқичларга чиқа олмаслигимизга сабабчи бўлишди. Асосий айбдорлар ФИФА ва мезбон мамлакат сифатида АҚШ бўлди.
Чекловлар қандай бўлганини мендан яхшироқ биласиз: визалар беришдаги кечикишлар, рейслардаги кечиктирилиш. Ўйиндан сўнг дарҳол жамоа ортга Мексикага қайтишга мажбур бўлди. Жамоа бу ноқулайликлар ва божхона тартибларидан ва текширувларидан кўп марта ўтди. Паспорт назорати бўлимига бир неча бор мурожаат қилишга тўғри келди. Буларнинг барчаси биз учун улкан муаммоларни юзага келтирди. Шунинг учун, улар биздан қарздор — Жаҳон чемпионатидаги юқори инстанциялари биздан қарздор ва улар ўз виждонларига мурожаат қилишлари керак.
Ҳозирги замон барчасини айтиб беришга имкон бермайди, аммо бу ҳисобот Эрон Футбол Федерациясида мавжуд, биз бу масалани рўйхатдан ўтказганмиз. Бундай келишмовчилик, адолатсизлик, чекловлар. Бу шунчаки хунук ҳолат. Умуман олганда, футбол ва спорт чекловларни олиб ташлаш, жамиятга қувонч улашиш, спортчиларнинг саломатлиги учун мавжуд. Афсуски, бу Жаҳон чемпионатида бизда бундай бўлмади, ўзгартириб бўлмайдиган адолатсизликдан футболчиларимизнинг руҳияти жабр кўрди. Бу футболчиларимизнинг руҳияти синишига олиб келди.
Миллий терма жамоа бош мураббийи ва футболчилар барча қийинчиликларга қарамасдан, улар бор кучларини ишга солишди. Умид қиламизки, келажакда Жаҳон чемпионатларида бошқа бундай ҳолатларга гувоҳ бўлмаймиз. Ҳеч қайси миллий терма жамоа учун.
- Ўзбекистон ва Эрон сўнгги йилларда жуда кўп маротаба тўқнаш келди. Майдонда бу жуда принципиал рақиблар, аммо икки мамлакат футбол федерацияси ўртасидаги муносабатлар қандай? Майдон ташқаридаги муносабатлар ҳақида гапириб ўтсангиз. ЎФА билан алоқаларингиз ҳақида гапирсангиз...
- Ўзбекистон Футбол Федерацияси билан муносабатларимиз жуда яхши. Дарвоқе, бугунги ташкилий қўмита йиғилишида мен Ўзбекистон Федерацияси вакилларига бир таклиф киритдим. Биз CAFA турнири биз учун ёмон эмаслигини, бу дўстлик ва ҳамкорликда ёрдам бериши мумкинлигини айтдим. Лекин биз Ўзбекистон ва Эрон миллий терма жамоаларининг техник даражасини чинакамига кўтарадиган каттароқ халқаро турнир ташкил қилсак, анча яхши бўлар эди. Мен шу таклифни айтдим.
