– Эронга қарши ўйин қандай ўтди?
– Эронга қарши ўйин жуда ажойиб кечди. Мухлисларбоп, яхши ўйин бўлди. Эронни бунақа ҳисобда ютмаган эдик. Бу ўзимиз учун янгилик бўлди. Мухлисларимизни хурсанд қилдик, деб ўйлайман.
– Сурияга қарши ўйинга қанақа тайёргарлик кетяпти?
– Ҳозирда яхши. Йигитларнинг кайфияти аъло даражада. Мураббийнинг янги схемасини кўпроқ ўрганиб, Сурия билан ҳам яхши ўйин кечади, деб ўйлайман.
– 4-3-3 схемасига ўтилди, қийинчилик туғдирмадими бунга ўтиш ва қаерда камчиликлар сезяпсизлар?
– Ҳозир камчиликлар устида ишлаяпмиз. Менимча, Ўзбекистонда кўп жамоалар 4-3-3 схемасида ўйнайди ва бу бизга қийинчилик туғдирмаслиги керак, деб ўйлайман.
– Кўп йиллардан бери терма жамоа сафида тўп тепасиз ва олдинги давр билан ҳозирги даврни таққослаганда, терма жамоа ичидаги рақобат қай даражада ўзгарди?
– Терма жамоада ўзи ҳар доим рақобат кучли бўлади. Чунки ҳамма ўзини кўрсатгиси келади-ю, лекин ҳозирда кучлироқ, деб ўйлайман. Ҳозир ёшлар билан кўп йиғин ўтказяпмиз, шунга ҳозир рақобат кучли, деб ўйлайман.
