Ҳиндистон ва Бразилия терма жамоалари ўртасидаги ўртоқлик ўйини якунланди. Учрашув Калькуттадаги (Ҳиндистон) "Вивекананда Юба Бхарати Криранган" стадионида бўлиб ўтди. Бош ҳакам сифатида Ильгиз Танташев ишлади. Ўйинда 4:0 ҳисобидаги ғалабани меҳмонлар нишонлашди.
Учрашувдаги биринчи голни 28-дақиқада Бразилия терма жамоаси ҳужумчиси Эстевао урди. 48-дақиқада форвард Педро Абреу меҳмонларнинг устунлигини оширди. 58-дақиқада бразилияликлар ярим ҳимоячиси Самуэл Лино ҳисобни йириклаштирди. 90+5-дақиқада эса Самуэл Лино дубль қайд этиб, якуний ҳисобни ўрнатди — 4:0.
Ҳиндистон - Бразилия 0:4
Голлар: Эстевао 28, Абреу 48, Лино 58, Лино 90+5.
Аввалги ўртоқлик ўйинида Ҳиндистон терма жамоаси Панама билан дуранг ўйнаган эди (1:1), Бразилия эса Австралия миллий жамоасини мағлуб этган эди (4:2).
