Ҳоланддан ноёб рекорд. Ундан олдин фақат Кейн бу ишни қила олган

Учрашув “шаҳарликлар”нинг минимал ҳисобдаги ғалабаси билан якунланди. Учрашувдаги ягона гол ҳужумчи Эрлинг Ҳоланд томонидан урилди.

Бу ўйин "Манчестер Сити" ҳужумчиси учун алоҳида аҳамиятга эга бўлди, дея хабар берди "WhoScored". "Тоттенхэм" дарвозасига гол уриб, у АПЛдаги ноёб рекордни такрорлади.

Норвегиялик футболчи Премьер-лига тарихида уч мавсум уйда ва сафарда 10 ва ундан ортиқ гол урган иккинчи футболчига айланди. Бунгача фақат “Тоттенхэм”да ўйнаган Ҳарри Кейнгина шунга ўхшаш натижага эришган эди.

Умуман олганда, 24 ёшли ҳужумчи жорий мавсум барча турнирларда 36 ўйин ўтказиб, 28 та тўп киритди. АПЛда унинг ҳисобида 20 та гол бор. Норвегиялик футболчи АПЛ тўпурарлари пойгасида "Ливерпуль" вингери Муҳаммад Салоҳдан 5 та гол ортда қолган ҳолда, иккинчи ўринда бормоқда.