"Манчестер Сити" ва Норвегия терма жамоаси юлдузи Норвегиянинг Norwegian Air Shuttle авиакомпаниясига қарши расмий даъво аризаси билан чиқиб, компанияни ўз образидан рухсатсиз фойдаланганликда айблади. Бу ҳақда нуфузли “Voetbal International” нашри хабар тарқатди.
Юридик низога реклама кампанияси сабаб бўлди: авиакомпания самолёт фюзеляжига футболчининг машҳур соч турмаги — унинг оқ-сариқ соч ўримини стилизация қилинган ҳолда жойлаштирган. Иллюстрация "самолётлар ҳеч қачон бу қадар норвегча кўринишга эга бўлмаган" мазмунидаги шиор билан биргаликда тақдим этилган.
Ҳужумчининг манфаатларини адвокат Томас Хаген ҳимоя қилмоқда. Унинг таъкидлашича, ушбу маркетинг кампанияси муаллифлик ҳуқуқи ва спортчининг имиж ҳуқуқларини қўпол равишда бузиш ҳисобланади. Ҳоланднинг вакиллари бу қадамни ўзгалар машҳурлигидан ноқонуний тижорий фойдаланиш деб ҳисобламоқда, чунки ҳужумчи авиакомпания рекламасида ўз брендидан фойдаланишга ҳеч қачон розилик бермаган.
Қайд этиш жоизки, Ҳоланд шахсий ҳуқуқлари ва рўйхатдан ўтган товар белгиларини ҳимоя қилиш масаласида ўта синчков бўлиб, жорий мавсумда 26 ёшли тўпурар Европа майдонларида феноменал натижалар кўрсатишда давом этмоқда.
