Жаҳон чемпионатида иштирок этган каталонияликлар клуби футболчиларига дам олиш учун қўшимча вақт берилганди, бироқ Рональд Араухо ва де Йонг аллақачон жамоа қароргоҳига етиб келишди ва тиббий кўрикдан ўтишди.
Marca хабарига кўра, нидерландиялик футболчида тизза жароҳати аниқланган. Якуний ташхис ҳали қўйилгани йўқ. Яқин кунларда ярим ҳимоячи қўшимча тиббий кўрикдан ўтиши керак.
Бироқ клубдагилар хавотирда ва энг ёмон сценарийни кутишмоқда. Френки бир неча ойни ўтказиб юбориши мумкинлиги истисно этилмаяпти – эҳтимол, тикланиш жараёни тўрт ойга чўзилиши мумкин. Жаҳон чемпионатида де Йонг Нидерландия терма жамоаси сафида тўртта ўйин ўтказди.
