Журналист Ромейн Молинанинг таъкидлашича, Уругвай терма жамоаси Америка кубоги ёки ЖЧ олдидан АҚШга учиб кетиши керак бўлган махсус чартер рейси учун ФИФА ва ташкилотчилар томонидан АҚШ авиация идораларидан олдиндан рухсатнома (fly permission) олиш унутилган. Оқибатда, жамоа аъзолари, мураббийлар штаби ва юклар учишга шай бўлиб турганда, самолёт ҳавога кўтарила олмаган.
Уругвай делегацияси бир неча соат давомида аэропортда кутишга мажбур бўлди. Бу эса футболчиларнинг тикланиш ва машғулотлар режасига салбий таъсир кўрсатган. Муаммо ОАВда тез тарқалгач, ФИФА ва АҚШ томони шошилинч равишда ишга аралашди. Дипломатик ва тезкор алоқалар орқали бир неча соат ичида рейс учун махсус рухсатнома олиб берилди ва Уругвай терма жамоаси АҚШга учиб кетди.
ЖЧ-2026 гуруҳ босқичи 1-туридан ўрин олган Саудия Арабистони — Уругвай учрашуви 16 июнь кунига режалаштирилган бўлиб, у АҚШнинг Майами шаҳрида бўлиб ўтади.
