UZ

Сўнгги янгиликлар

13:25"Рома" Санчонинг молиявий талабларини қондира олмайди  0 12:45Гвардиола Эдерсон билан боғлиқ вазият ҳақида: "Агар футболчи кетишни истаса, у кетиши керак"  0 12:18ОЧЛ-2. "Андижон"нинг гуруҳдаги рақиблари ҳамда мураббий ва футболчиларнинг қуръага муносабати  5 11:55"Арсенал" бразилиялик футболчига қизиқиб қолди  0 11:28Родригонинг "Реал"дан "Манчестер Сити"га эҳтимолий ўтиш тафсилотлари маълум бўлди  2 10:48Превью. 8 йиллик танаффусдан сўнг "Бунёдкор" "Бухоро"ни ўз уйида мағлуб эта оладими?  5 10:20Превью. Ўтган тур мағлуб бўлган "Андижон" ва "Машъал" ўзаро баҳс олиб боради  2 09:53Флик йирик ғалабадан сўнг футболчиларини танқдид қилди  7 09:25Превью. Сўнгги турда ғалаба қозонган "Қўқон-1912" ва "Сурхон" баҳсида устунлик ким томонда?  0 08:58Гвардиола таркибдан норози эканлигини маълум қилди  10 08:40Ўртоқлик ўйинлари. "Интер" ва "Ювентус" ғалаба қозонди, "Рома" эса Саудия клуби билан дуранг ўйнади  1 08:27Sofascore. "Нол"га ўйнаган Алиқулов ва Ҳусанов, гол урган Ғаниев кечаги учрашувларда неча баҳога лойиқ кўрилди?  0 07:56Суперлига. Бугун яна 3 та учрашув бор  2 07:25МЛС. "Интер Майами" "Лос-Анжелес Гэлакси"ни мағлуб этди, Месси захирадан тушиб, гол ва ассист қайд этди  6 06:55Суперлига. "Навбаҳор" дербида ютқазди, "Насаф" ва "Динамо" эса ўз майдонларида ғалаба қозонишди  3

Февзи Давлетов: "Рақиб ҳисобни сақлаб қолишга ҳаракат қилди. Ҳайдаров келажакда терма жамоага чақирилади" Янгиликлар

Февзи Давлетов: "Рақиб ҳисобни сақлаб қолишга ҳаракат қилди. Ҳайдаров келажакда терма жамоага чақирилади"

Суперлиганинг 23-турида "Сўғдиёна" майдонидаги ғалабадан кейин "Сурхон" жамоаси бош мураббийи Февзи Давлетов матбуот анжуманида қатнашди.

- "Сўғдиёна" биринчи бўлимда йўл қўйган хатоларимиз туфайли бизни жазолади. Танаффусда ўйинга ўзгаришлар киритдик. Йигитлар битта гол уришимиз кераклиги ва бундай сўнг барчаси ўзгариб кетишини айтдим. Худди "Локомотив"га қарши кечган ўйиндек. Футболчилар барча кўрсатмаларни тўғри бажаришди. Мухлисларимизни ғалаба билан табриклайман, - деди Февзи Давлетов.

- Биринчи бўлимда "Сўғдиёна" рақибдан устунроқ эди. Жиззахликларнинг етакчи футболчиси Владимир Йовович 61-дақиқада захирага олинди. Ушбу ўзгаришдан сўнг рақибингиз ўйинида пасайиш кузатилгандек. Ушбу фикрга қўшиласизми?

- Фикримча, рақибимиз ҳисоб бўйича ўйнашни бошлади. Улар иккита тўп олдинда эди, аммо 2:0 ҳисоби жуда хавфли. Биз эса кўпроқ ҳужум қилишимиз керак эди. Ўзгариш ҳам таъсир ўтказган бўлиши мумкин.

- "Сурхон" матбуот хизмати Ҳайдаровни терма жамоага чақириш керак, дея ҳазил қилди. Ёш футболчининг сўнгги баҳсларда намойиш этаётган ўйинига баҳо бериб ўтсангиз?

- Барчаси учун вақт керак. Вақти келганда, у ҳам терма жамоага чақирилади. У ўз устида ишлашда давом этса, терма жамоага чақирув олишига ишонаман. У иқтидорли футболчи. Уни мақтаб қўйишим керак.

- "Насаф" муддатидан аввал чемпионликни расмийлаштирди. Суперлиганинг жорий мавсуми қандай ўтди деб ўйлайсиз? Янги чемпион аниқлангани яхши бўлдими?

- "Насаф" чемпионликка лойиқ эди ва уларни ғалаба билан табриклайман. Олдинда учта ўйинимиз бор ва имкон қадар мусобақа жадвалида юқорироқ ўрин эгаллашга ҳаракат қиламиз.

- "Сурхон" иккита гол ўтказиб юборганига қарамай, марказий ҳимоячилар жуда яхши ўйин намойиш этгандек ҳиссиёт уйғонди. Шу ҳақда тўхталиб ўтсангиз?

- Биз иккита гол ўтказиб юбордик-ку. Демак, яна ишлаш керак. Гол ўтказиб юборганимиздан сўнг, яна ўйинга қайта олаётганимиз яхши жиҳат.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика