"Яхши ўйин бўлди. Ғалабани кўзлагандик, аммо бир очко ҳам яхши натижа. Рақиб "Металлург" эди. Ўйинимизни яхшилашимиз керак. Айрим футболчиларда агрессия етишмаяпти. Ҳар турда стандартлардан гол ўтказиб юборяпмиз. Охирги эпизодларга хато қиляпмиз. Булар устида ишлашимиз керак", - дея гап бошлади Фарҳод Нишонов.
- Жамоангиз дарвозасига белгиланган пенальти ҳақида нима дейсиз?
- Вазиятни кўрмадим. Балки пенальти бордир. Ҳакам вазиятга яқинроқ эди. Ҳакамларнинг ишига аралашмайман. Ҳакам бизга дўст ёки душман эмас. Ҳакам бу қонун. Ҳакамнинг қарори шундай бўлдими, демак бу 11 метрлик зарба.Пенальтини бекор қила олмаймиз-ку. Иккинчи бўлимда тўхталишлар кўп бўлди. Ўйин темпи тушиб кетди. Кўпроқ вақт қўшиб берилиши керак эди, деб ўйлайман.
- Ўзбекистон Кубогига қандай мақсад қўйилган?
- Фақатгина ўйинни шакллантириш билан иш битмайди. Режа асосида иш олиб боряпмиз. Ҳозирги энг катта мақсадимиз "Каттақўрғон"га қарши ўйин. Барча эътиборимизни уларга қарши кечадиган баҳсга қаратганмиз.
