Championat.asia sayti turning eng yaxshilarini aniqladi.
Tur murabbiyi - Farhod Nishonov (“Olimpik-MobiUz”)
“Olimpik-MobiUz” ortda qolgan turda Proliga yetakchisi “Aral” bilan bahs yuritib, 2:1 hisobida g'alaba qozondi. Bunda jamoa bosh murabbiyi Farhod Nishonovning uchrashuv uchun tanlagan taktikasi katta o'rin tutdi. Uning shogirdlari maydonda ishonchli va mazmunli o'yin ko'rsatdi. E'tiborlisi, bu “Aral”ning mavsumdagi ilk mag'lubiyati bo'ldi. Shu tariqa, aynan Nishonov tur murabbiyi sifatida etirof etildi.
Tur futbolchisi - Muhammadyusuf Mirqodirov (“G'azalkent”)
“G'azalkent” bu turda “Kattaqo'rg'on” bilan to'qnash kelib, 4:2 hisobida g'alabaga erishdi. Bu muvaffaqiyatda jamoa sardori Muhammadyusuf Mirqodirovning o'rni beqiyos bo'ldi. U maydon markazini to'liq nazorat qildi va jamoasini oldinga boshladi. Bundan tashqari, 59-daqiqada jamoasi foydasiga penalti ishladi. Shunday qilib, 21 yoshli futbolchi tur futbolchisi nomiga loyiq ko'rildi.
Tur darvozaboni - Shahzod Shamsiddinov (“Lochin”)
“Lochin” bu turda Qarshida “QMU Jayxun”ni mehmon qilib, kichik hisobda g'alaba qozondi (1:0). Bunda albatta darvozabon Shahzod Shamsiddinovning hissasi katta. Mahoratli posbon bir qator vaziyatlarda jamoas joniga ora kirdi va darvozasini “quruq” saqladi. Shunday qilib, aynan 29 yoshli Shamsiddinov Championat.asia talqinida tur darvozaboni deb topildi.
Tur goli - Diyor Tojiev (“G'azalkent”)
Yuqorida takidlanganidek, “G'azalkent” bu turda “Kattaqo'rg'on”dan ustun keldi (4:2). “Kattaqo'rg'on” yarim himoyachisi Diyor Tojiev 24-daqiqada hisobni tenglashtiruvchi golni urdi. U olis masofadan chap oyoqdagi zarbasi orqali darvoza pastki burchagini muvaffaqiyatli nishonga oldi. Aynan shu gol turdagi eng chiroylisi sifatida qayd etildi.
