"Бугунги ўйинга жамоамиз билан яхши тайёргарлик кўрган эдик. Жамоамиз мухлислари, раҳбарлари, футболчиларини ғалаба билан табриклайман. Кейинги учрашувларда ҳам ғалаба учун ҳаракат қилиб, боримизни бери курашишда давом этамиз. Чемпионат энди бошланди, олдинда ўйинларимиз кўп. Барча ўйинларда ижобий натижа қайд этиш учун қўлимиздан келган ҳамма имкониятни ишга соламиз",- дейди Шавкат Юсупов.
- Дастлабки бошланғич таркибда Бобур Фарҳодовни синаб кўрдингиз. Ризо Айвазов билан рақобатда Фарҳодов устун келган деб ҳисоблайсизми?
- Уларнинг позициясини ҳисобга оладиган бўлсак, Бобур Фарҳодовни марказроқда ўйнатдик. Ризо Айвазов бизда номинал ҳужумчи. Уларнинг жойлашувида фарқ бор. Ротациялар амалга оширяпмиз, олдимизда зич тақвим турибди. Шундан келиб чиқиб ҳаммага имконият беришга ҳаракат қилмоқдамиз.
- Кейинги ўйин 15 апрель куни "Шўртан"га қарши бўлади. Тақвим ҳақида фикрингиз қандай?
- Айтиб ўтганимдек эртага сафарга отланамиз. 14 апрель куни машғулот ўтказиб, эртасига майдонга чиқамиз. "Шўртан" Про лиганинг энг тажрибали жамоаларидан бири. Уларга қарши ўйнаш биз учун тажриба. Яхши ўйин ўтказишга ҳаракат қиламиз.
- "ФарДУ" олдига қандай вазифалар қўйилган?
- Раҳбарларимиз биздан доим юқори натижа кутишади. Ҳар бир ўйинда ғалаба учун курашамиз. Уларнинг ишончини оқлашга чин дилдин интиламиз.
