“ЖЧда иштирок этиш ҳар бир инсоннинг орзуси. Ниҳоят Атлантадамиз. Машғулотларни бошлашни, ўйинлар ўтказишни ва бу жараёндан завқланишни сабрсизлик билан кутяпман. Одатда ЖЧга тайёргарлик кўриш осон бўлмайди, турли кичик муаммолар бўлади. Биз энг яхши ҳолатда бўлиш учун ҳаракат қилдик. Биринчи ўйин жуда яқин, унга тайёр бўлиш учун керак бўлган барча ишни бажаряпмиз. Ўзбекистонликларга айтадиган гапимиз шу: Биз қўлимиздан келган барча ишни қиламиз, охирги кучимизгача курашамиз. Чунки қаерда бўлишимиздан қатъий назар ўзбекистонликлар биз билан фахрланишини хоҳлаймиз” - деди Каннаваро.
