Эшитдик-да! ЎФА Хорватия терма жамоаси собиқ устозига таклиф билан чиқди
17 июл 18:35
Янгиликлар

Эшитдик-да! ЎФА Хорватия терма жамоаси собиқ устозига таклиф билан чиқди

Ўзбекистон футбол ассоциацияси терма жамоа бош мураббийи лавозимини эгаллаш учун яна бир катта номга мурожаат қилди.

Championat.asia сайти маълумотлариг кўра, ассоциация АПЛдаги фаолиятии билан танилган хорватиялик мураббий Славен Билич билан алоқага чиққан ва Ўзбекистон терма жамоаси бош мураббийи лавозимини таклиф этган.

Айни дамда томонлар музокараларни давом эттирмоқда. Биличнинг сўнгги иш жойи Саудия Арабистонининг "Ал Фатиҳ" клуби бўлганди, у мазкур клубдан 2024 йилнинг августида кетган ва шундан буён ҳеч қаерда ишлаганича йўқ.

56 ёшли Славен Билич мураббийлик фаолияти мобайнида "Хайдук", "Локомотив" Москва, "Бешиктош", "Вест Хэм", "Ал Иттиҳод", "Вест Бромвич", "Бэйцзин Гоань", "Уотфорд" ва жамоаларида фаолият юритган. Ютуқлари орасида Хорватия вице-чемпионлиги, Туркия чемпионатининг 2 карра 3-ўрин соҳиби, 2008 йилги Европа чемпионати чорак финалчиси кабиларни келтириб ўтиш мумкин.

Аввалроқ ЎФА Йоахим Лёвга мурожаат этгани ҳақида хабар бергандик. Шундан сўнг германиялик мутахассис унга ҳақиқатан таклиф бўлганини маълум қилган эди.

Ҳавола :

Манба : Championat.asia

Янгиликларни Телеграмда ўқинг!

Рейтинг: +10