"Бу менинг узоқ вақтдан бери қўйган мақсадим эди. Менимча, ушбу турнирдан кейин биз Норвегия футболини жаҳон даражасига олиб чиқдик. Энди эса шу даражани сақлаб қолишимиз керак. Мен бундан фахрланаман.
Биз дунёнинг энг буюк терма жамоаларидан бири — Бразилияни мағлуб эта олишимизни исботладик. Кейин Англияга ютқаздик, аммо уларни ҳам жиддий курашишга мажбур қилдик. Балки ҳаммаси бошқача якунланиши ҳам мумкин эди.
Олдинда биз учун яна Жаҳон чемпионатлари ва Европа чемпионатлари бор. Менимча, энди ҳақиқатан ҳам ўзимизни бутун дунёга намойиш қилиш вақти келди. Бизда фантастик авлод шаклланган", - деди Холанд.
Норвегия ЖЧ–2026да катта сенсациялардан бирига айланди. Жамоа плей-оффда Бразилияни мағлуб этди ва кейинги босқичда Англияга қарши муносиб қаршилик кўрсатиб, турнирни юқори даражада ўтказди.
