Милан клуби агар Бельгиянинг "Юнион" жамоаси аъзоси Анан Халаилининг трансферини якунлай олмаса, ҳимоячи учун курашга қўшилиши мумкин. Исроиллик футболчида тиббий кўрикдан ўтиш вақтида муаммолар юзага келган ва бу келишувни хавф остида қолдирган. Бу ҳақда La Gazzetta dello Sport хабар бермоқда.
Манбанинг маълумотларига кўра, агар Халаилининг трансфери амалга ошмай қолса, "Интер" бор эътиборини ПСЖ ярим ҳимоячиси Дезире Дуэнинг акасига қаратади. "Страсбург" ҳимоячиси, шунингдек, "Милан"нинг ҳам қизиқишлар доирасига кирган, бу эса Кот-д'Ивуар терма жамоаси аъзоси учун Милан грандлари ўртасида потенциал курашга сабаб бўлиши мумкин.
Ҳимоячи Дензел Думфрис Мадриднинг "Реал" клубига ўтиб кетганидан сўнг, Милан клуби мудофаанинг ўнг қанотини кучайтириш учун фаол равишда ўйинчи изламоқда. Дастлаб асосий номзод сифатида "Аталанта"дан Марко Палестра кўрилаётган эди, бироқ ҳимоячи "Челси"га ўтиб кетди.
Гела Дуэ 2024 йилнинг июль ойидан буён "Страсбург"да ўйнаб келмоқда. Футболчининг клуб билан шартномаси 2029 йилнинг июнь ойигача мўлжалланган.
