Milan klubi agar Belgiyaning "Yunion" jamoasi a'zosi Anan Xalailining transferini yakunlay olmasa, himoyachi uchun kurashga qo'shilishi mumkin. Isroillik futbolchida tibbiy ko'rikdan o'tish vaqtida muammolar yuzaga kelgan va bu kelishuvni xavf ostida qoldirgan. Bu haqda La Gazzetta dello Sport xabar bermoqda.
Manbaning ma'lumotlariga ko'ra, agar Xalailining transferi amalga oshmay qolsa, "Inter" bor e'tiborini PSJ yarim himoyachisi Dezire Duening akasiga qaratadi. "Strasburg" himoyachisi, shuningdek, "Milan"ning ham qiziqishlar doirasiga kirgan, bu esa Kot-d'Ivuar terma jamoasi a'zosi uchun Milan grandlari o'rtasida potencial kurashga sabab bo'lishi mumkin.
Himoyachi Denzel Dumfris Madridning "Real" klubiga o'tib ketganidan so'ng, Milan klubi mudofaaning o'ng qanotini kuchaytirish uchun faol ravishda o'yinchi izlamoqda. Dastlab asosiy nomzod sifatida "Atalanta"dan Marko Palestra ko'rilayotgan edi, biroq himoyachi "Chelsi"ga o'tib ketdi.
Gela Due 2024 yilning iyul oyidan buyon "Strasburg"da o'ynab kelmoqda. Futbolchining klub bilan shartnomasi 2029 yilning iyun oyigacha mo'ljallangan.
