Бироқ у жароҳати туфайли очилиш ўйинига тайёр бўлиши эҳтимолдан йироқ.
Аввалроқ 25 ёшли футболчи сон мушакларидан жароҳат олганди. Дэвис май ойи охиригача терма жамоа сафига қўшилиши кутилмоқда. Ҳозирда у жароҳатдан тикланиш билан банд.
"Бавария" уни Германияда қила оладиган, аммо Шимолий Америкада бажаролмайдиган муайян баённомалардан ўтказди. Шундай қилиб, унинг Германияда қолишининг сабабларидан бири шу, чунки биз уларда илғор даволаш усуллари бор деб ўйлаймиз ва бу фойдали бўлгани аниқ. Улар уни астойдил қўллаб-қувватлаб, Жаҳон чемпионатида кўришни хоҳлайди. Менимча, улар ўз футболчиларини қўллаб-қувватлаш ҳам клуб, ҳам мамлакат учун муҳимлигини тушунади", – деди Марш.
Дэвис Канада терма жамоаси сафида 2017 йил июнь ойида дебют қилган. У 58 ўйинда 15 та гол урган ва 18 та голли узатмани амалга оширган.
Канада ЖЧдаги биринчи ўйинини 12 июнь куни Босния ва Герцеговинага қарши ўтказади. Шунингдек, "B" гуруҳидаги рақиблар орасида Қатар ва Швейцария ҳам бор.
