ЦСКА ҳимоячиси: "Туркия чемпионати Файзуллаев учун ЖЧ олдидан трамплин бўлади"
28 июл 15:22
Янгиликлар

ЦСКА ҳимоячиси: "Туркия чемпионати Файзуллаев учун ЖЧ олдидан трамплин бўлади"

Москванинг ЦСКА жамоаси ҳимоячиси Данил Круговой "армиячилар" ярим ҳимоячиси Аббос Файзуллаевнинг Туркиянинг "Истанбул Башакшеҳир" клубига кетгани тўғрисида изоҳ берди.

"Албатта, Аббосни ҳаммамиз соғинамиз. Лекин у қайтишга ваъда берди (кулади). Ўйлайманки, Туркия чемпионати Файзуллаев учун Жаҳон чемпионати олдидан трамплин бўлади. Унга муваффақият тилайман. Аббос – яхши футболчи ва инсон. Жин урсин, у билан ўйнаш жуда зўр эди... Айниқса, 3-4-3 схемасида, у вингерлигида мен чап қанотда ўйнардим", – деди Круговой.

21 ёшли Аббос Файзуллаев 2023 йилдан буён ЦСКАда ўйнаб келаётганди. У москваликлар таркибида 72 ўйин ўтказиб, 8 та гол урган ва 22 та голга ассистентлик қилган. Transfermarkt портали ўзбекистонлик футболчини 8 миллион еврога баҳолаган.

Аввалроқ Файзуллаев "Истанбул Башакшеҳир"га ўтиш олдидан тиббий кўрикдан муваффақиятли ўтган эди.

Ҳавола :

Манба : Championat.com

Янгиликларни Телеграмда ўқинг!

Рейтинг: +13