Бу мавсум "Реал"нинг асосий "қуроли" кимлар?
04 окт 2017 23:20
Янгиликлар

Бу мавсум "Реал"нинг асосий "қуроли" кимлар?

Якшанба куни чемпионат навбатдаги турида Иско дублга эришди ва "Реал"га "Эспаньол" устидан ғалаба қозонишда катта ёрдам берди.

Шунинг ўзи ҳам бугунги кунда жамоа учун ярим ҳимоячилар қанчалик аҳамият касб этишини кўрсатиб бермоқда.

7-тур ортда қолган бир паллада амалдаги чемпион бор йўғи 13 та гол уришга эришди. Биз ўрганиб қолган ҳужумкор ўйин намойиш қилувчи "Қироллик клуби" учун бу унчалик яхши натижас эмас. Ўша 13 голнинг 8 тасини ярим ҳимоячилар урганидан хабарингиз борми?

Айтиб ўтганимиз Искодан аввал, марказнинг бошқа бир вакили Дани Себальоснинг дубли Зинедин Зидан жамоасига "Витория"да муҳим уч очкони тақдим қилганди. Марко Асенсио ўзининг икки голини уйда "Валенсия"га қарши учрашувда киритишга муваффақ бўлди. Каземиро ва Тони Кроос эса Ла Лиганинг биринчи турида "Депортиво"га қарши учрашувда биттадан гол уришга муваффақ бўлдилар.

Бундан келиб чиқадики, "Реал Мадрид" рақиб ҳимоячилари нафақат номдор ҳужумчиларга, балки рақиб ярим ҳимоясидагиларга ҳам алоҳида эътибор бериши лозим, акс холда натижаси ёмон бўлиши ҳеч гап эмас.

Карим Бензема ва Криштиану Роналду ҳали миллий чемпионат учрашувларида гол ура олишмади. Гарет Бэйл ҳисобида иккита гол, Борха Майораль ва Лукас Васкес - биттадан гол уришган.

Ҳавола :

Манба : championat.asia

Янгиликларни Телеграмда ўқинг!

Рейтинг: +6