"Ҳиссиётларни сўз билан таърифлаб бўлмайди. Водий аҳлини чемпионлик билан табриклайман! Давомли бўлсин. Раҳбариятни ва мухлисларни чемпионлик билан табриклайман!
Тўғрисини айтсам, мавсум жуда қийин ўтди. Жамоалар чемпионлик учун охиригача курашди.
Мухлисларнинг ҳиссаси катта. Ғалаба ва мағлубиятда ҳам бизни қўллаб-қувватлашди. Бир ҳафтада иккита кубок кўтариш ёқимли экан, яна насиб қилсин дейман", – деди Ботирали Эргашев.
Эслатиб ўтамиз, бугун "Нефтчи" Фарғонада "Қизилқум"ни меҳмон қилиб, 4:1 ҳисобида устун келди ва чемпионликни қўлга киритди.
