"Барселона" бош мураббийи "Реал"га қарши баҳсдан сўнг нималар деди?

Икки ўйин бўйича умумий ҳисоб 5:1 бўлди.

"Биз совринли баҳсда мағлуб бўлдик. Рақиб вақти-вақти билан кучлироқ кўринди, айниқса биринчи бўлим боши ва охирида. Бизда ўйинни ўзгартириб юбориш учун имкониятлар бўлди, аммо улардан фойдалана олмадик. Рақиб прессингда фаол бўлди ва тўп йўқотганимиз учун жазолашди. Жисмоний томондан тезроқ тикланиб олишимиз лозим, чунки тез орада Испания чемпионати старт олади. Суперкубок - мавсумолди тайёргарликнинг якуни ва биз бу совринни ютмоқчи эдик. Оёққа туриб, олдинга ҳаракатланишда давом этиш лозим - бошқа йўл йўқ. "Реал"нинг кучини тан олиш лозим, аммо ҳаммаси энди бошланмоқда. Бизни узоқ мавсум кутиб турибди. Футболда мағлуб бўлмайдиганлар бўлмайди ва "Реал" ҳам мағлуб бўлишига шубҳам йўқ" - дейди Вальверде.