Ваҳоланки, ФИФА интизом қўмитаси таркибига 18 киши киради, бироқ қўмитанинг қолган аъзолари қарор қабул қилишда ҳам, ушбу масала бўйича маслаҳатлашувларда ҳам иштирок этишмаган.
ФИФА Балогуннинг 2026 йилги жаҳон чемпионати 1/16 финалидан ўрин олган Босния ва Герцеговинага қарши ўйиндаги (2:0) четлатилиши (қизил карточкаси) учун берилган бир ўйинлик дисквалификациясини вақтинча бекор қилган эди. Бундай қарор футболчига ЖЧ-2026 1/8 финали доирасидаги Бельгия миллий жамоасига қарши учрашувда (1:4) майдонга тушиш имконини берди. АҚШ Президенти Дональд Трамп ушбу вазият бўйича ФИФА раҳбари Жанни Инфантино билан гаплашганини тасдиқлаган.
