- Барча мухлисларимизни ғалаба билан табриклайман. Бугун вақт ажратиб, стадионга келгани учун раҳмат айтаман. Икки тайм икки хил ўтди. Танаффусгача ўз ўйинимизни кўрсата олмадик. Бунга сабаб сифатида уй ўйинида анчадан бери ўйнамаганимизни келтирсак бўлади. Об-ҳавони сабаб қилиб бўлмайди, чунки иккала жамоа ҳам бир хил шароитда ўйнади. Биринчи бўлимда футболчилар мен кутгандек ўзини кўрсата олмади. Ўзгаришлар орқали ўйинни ҳал қилдик, захирадан тушганлар ўзларини кўрсата олишди. "Республика ФА"га қарши ўйинни яхши тахлил қилиб, бугунги баҳсга тайёрлангандик. Рақибнинг кучли ва кучсиз томонларини билган ҳолда ўйнаб, ғалабага эришдик.
- "БухДУ" ҳақида фикрингиз?
- Ёмон эмас. Сўнгги 4-5 ўйинини кўрдим, яхши ўйнашганди.
- Учинчи голдан кейин рақиб асабийлашишни бошлади. Бу ҳолатга йигитлар тайёрланганмиди?
- Пролигада яхши жамоалар кўп. Барча жамоалар руҳан ўзларини тутиб тура олишади. Бухоро жамоалари ҳам шундай. Аслида бу каби ҳолатлар бўлиб туриши керак, футболчилар тажриба тўплашади ва ўзларини қандай тутишларини билиб олишади, провакацияга учмасликка ҳаракат қилишади. Бу жиҳатларни кўриб чиққандик ва яхши натижага эришдик.
