“Астон Вилла” ўз майдонида “Сандерленд”ни қийинчилик билан мағлубиятга учратди. Ҳисоб 4:3 билан якунланди. Ҳал қилувчи гол 90+3 дақиқада Тэмми Абрахам томонидан урилди. “Астон Вилла” МЮ билан бир хил очко (58) жамғарган ҳолда тўртинчи ўринда (МЮ — учинчи ўринда) бормоқда.
“Эвертон” ва “Ливерпуль” ўртасидаги ўйинда эса 1:2 ҳисоби қайд этилди. 29-дақиқада Муҳаммад Салоҳнинг урган голига 54 дақиқада мезбонлар футболчиси Бето жавоб қайтарди. 90+11 дақиқада Виржил ван Дейк “қизиллар”га ғалаба тақдим этган голга муаллифлик қилди. “Ливерпуль” 55 очко жамғарган ҳолда турнир жадвалида бешинчи, “Эвертон” эса 47 очко билан ўнинчи ўринда бормоқда.
