Артур Парванов: “Ғалаба қозонишимиз шарт”

Ўтган турда Жиззахда “Сўғдиёна”га имкониятни бой берган наманганликларни бу сафар фақат ғалаба қониқтиради. Намангандаги учрашув олдидан “Навбаҳор” посбони Артур Парванов ўйин ҳақидаги ўз фикрлари билан ўртоқлашди:

- Натижаларимизга қараб баҳо берадиган бўлсак, ҳар бир турда жамоамизни фақат ғалаба сари майдонга тушишга ундамоқда. Ўз майдонимизда фақат ғалаба қозонишимиз шарт. Бу сафар мухлисларимиз ва мураббийларимизни уялтирмаслигимиз лозим. Улар бизга ишонишмоқда. Ишончни эса ютуқ орқали оқлашимиз мумкин. Учрашувдан олдин жамоанинг кайфияти чин маънода жанговор. Машғулотлар давомида олдинги ҳимоядаги хатолар устида ишламоқдамиз.

"Навбаҳор" матбуот хизмати