Андрей Фёдоров: "Исмоиловнинг жамоага қайтгани катта фойда берди"
28 май 2016 21:07
Янгиликлар

Андрей Фёдоров: "Исмоиловнинг жамоага қайтгани катта фойда берди"

Олий лиганинг 10-тур доирасидаги "Пахтакор" - "Нефтчи" (1:2) учрашувидан сўнг ташкил этилган матбуот анжуманининг биринчи қисмида фарғоналиклар бош мураббийи Андрей Фёдоров иштирок этди.

- Умуман олганда ўйин тўлиқ бизнинг режамиз асосида кечмади. Четлатишдан сўнг жамоамиз кўрсатган ўйин учун футболчиларга миннатдорчилик билдираман. Ўйиндан олдин "Нефтчи" Тошкентда 2001 йилдан буён ғалаба қозона олмаётганини билгандим. Бу нохуш анъанани бузганимиздан хурсандмиз. Бугун аксарият вазиятларда жамоамиз яхши ҳаракат қилди. Тўғри, хатолар бўлди. Баъзи вазиятларда яхшироқ ўйнашимиз ҳам мумкин эди. Қарши ҳужумда кўплаб имкониятларга эга бўлгандик. Умуман олганда, бугун жамоамиз мавсумдаги энг яхши ўйинини ўтказди. Қизил карточка футболда бўладиган ҳолат. Шу боис, ҳар қандай вазиятда жамоа тайёр турмоқ лозим. Бугун жамоамиз футболчилари ирода намойиш этишди ва жуда муҳим ғалабани қўлга киритдик. Мурод Исмоиловнинг жамоага келгани фойда бердими? "Пахтакор" устидан қозонилган ғалабада Мурод Исмоиловнинг ҳиссаси жуда катта бўлди.

Ҳавола :

Манба : championat.asia

Янгиликларни Телеграмда ўқинг!

Рейтинг: +22