"Бунинг ҳеч қандай изоҳи йўқ. Менимча, биринчи бўлим жорий мавсумдаги энг ёмон ўйинимиз бўлди. Бу — диққатни жамлаш ва ғалабага бўлган иштиёқ билан боғлиқ муаммолар. Гап техник маҳоратда эмас. Бугун биз футбол ўйнашга тайёр эмас эдик. Эҳтимол, биринчи навбатда, дербидан кейинги мағлубиятни ортда қолдириб, жамоага олдинга қараб ҳаракатланишда ёрдам бера олмаганим учун ўзимни айблашим керак. Биз ҳали икки фронтда бирдек рақобатлашишга тайёрмиз, деб ўйлай олмаймиз.
Бугунги ўйин учун ҳеч қандай баҳона йўқ. Биз камтарроқ бўлишимиз ва нима содир бўлганини тушуниб олишимиз керак. Бугун ғалаба қозонишимиз шарт эди.
Яхшироқ ўйнашимиз керак. Бизда жасорат етишмади, ҳисобни тенглаштириш учун етарлича ҳаракат қилмадик. Жамоадаги барча футболчилар Павлович каби машғулот ўтказиши керак. У машғулотларда бор кучини сарфлайди, ҳатто ўзини аямайди. Ҳамма шундай бўлиши лозим.
Биз таркибда ротация қилишни хоҳлаймиз ва шундай ҳолатда ҳам ўйинларда ғалаба қозонишимиз мумкин. Натижаларимиздаги беқарорликнинг сабаби — биз ҳали бундай тез-тез ўйнашга тайёр эмаслигимиз", — деди "Милан" бош мураббийи.
