Алишер Азизов: “Ўтган йил “Қизилқум”ни мағлуб этгандик, бу сафар ҳам шунга интиламиз”
09 апр 2016 12:08
Янгиликлар
Алишер Азизов: “Ўтган йил “Қизилқум”ни мағлуб этгандик, бу сафар ҳам шунга интиламиз”
- Бугунги ўйинда фақат ғалаба учун майдонга тушамиз. Чунки орқага йўл йўқ. Ўтган турларда жамоамиз ўзидан ёмон таассурот қолдирмаган бўлса-да, натижалар биз ўйлагандек бўлмади. Футболда эса натижа бирламчи саналади. Шунинг учун бугунги ўйинда қандай қилиб бўлмасин "Қизилқум"ни мағлуб этишимиз керак, - дейди ҳужумчи.
- Жамоа мавсумолди ўртоқлик учрашувларида анча сермаҳсул ўйин кўрсатган эди. Аммо миллий чемпионатда ҳозирча рақиблар дарвозасига йўл топа олгани йўқ. Буни қандай изоҳлайсиз?
- Аввалги ўйинларда жамоа ҳимояга жиддий эътибор қаратган ҳолда натижа учун тўп тепди. "Қизилқум"га қарши ўйинда янгича тактикада ҳаракат қиламиз ва ўйлайманки бугун жамоа ўзининг нохуш анъанасига барҳам беради.
- "Обод" ўтган йили кубок баҳсларида навоийликлардан устун келганди...
- Бу сафар ҳам рақибимизни енгишга ҳаракат қиламиз. Жамоамизда кайфият аъло ва шу руҳиятни ўйиндан кейин ҳам сақлаб қолишга интиламиз.
- Жароҳатингиздан фориғ бўлиб улгурдингизми? Бугун асосий таркибда майдонга тушишингиз мумкинми?
- Ҳа, жароҳатдан қутилдим. Майдонга тушиш-тушмаслигимни эса мураббийлар ҳал қилишади.
"Обод" матбуот хизмати
Ўхшаш янгиликлар
championat.asia
U-23 Осиё Кубоги. Эрон билан дуранг ўйнадик. Гуруҳдан чиқиш масаласи охирги турга қолди
"Барселона" Испания Суперкубоги финалида "Реал"ни мағлуб этиб, бош совринни қўлга киритди
Бугун Испания Суперкубоги финали доирасида “Эл класико” бўлиб ўтади
Эронга қарши учрашувдан сўнг Равшан Ҳайдаров нималар деди?
Фикрлар