"Қўқон-1912" 3 нафар футболчиси билан шартномани узайтирди
05 янв 14:33
Янгиликлар

"Қўқон-1912" 3 нафар футболчиси билан шартномани узайтирди

Гадоев, Салимов ва Акрамов билан келишув узайтирилди. Бу ҳақда клуб матбуот хизмати хабар берди.

"Қўқон-1912" жамоаси таркибни кучайтириш билан бир қаторда ўтган мавсумдаги асосий таркиб футболчилари билан ҳам янги шартномалар имзолашда давом этмоқда. Ўтган мавсум ҳимоямиз "қўрғони"да асосий ўйинчилар бўлган Шаҳзод Акрамов (суратда) ва Алишер Салимов билан янги икки йиллик шартнома имзоланди.

Шунингдек, ўтган мавсумнинг иккинчи қисмида таркибимизга келиб қўшилган Шоҳруҳ Гадоев янги мавсумни "Қўқон-1912" жамоасида ўтказади.

Шаҳзод Акрамов ўтган мавсум 29 та учрашувда майдонга тушиб, 1 тадан гол ва ассист қайд этди.

Алишер Салимовнинг ҳисобида 32 та учрашув бор ва у битта ассист қайд этган.

Шоҳруҳ Гадоев эса жамоамиз сафида ўтган мавсум 14 та учрашувда майдонга тушиб, 1 тадан гол ва ассистга эришган", – дейилади қўқонликлар хабарида.