Александер-Арнольд "Бабет" бўронининг қурбони бўлишига оз қолди

Бу ҳақда "The Sun" ёзмоқда.

Тахминан ярим тонна оғирликдаги электр устуни ҳимоячи машинаси олдида ҳаракатланаётган машина устига қулаган. 25 ёшли футболчи тормозни босган ва олдинда турган машинага бориб урилган. 

Камера тасвирларида ҳайратга тушган "Ливерпуль" юлдузи машинадан тушиб, бошқа ҳайдовчи билан гаплашаётганини кўриш мумкин. Воқеа иштирокчиларининг иккиси ҳам Чешир графлигидаги фалокатдан мўъжизавий тарзда қутулиб қолишди.

Бу "Бабет" бўрони Англия бўйлаб тартибсизликни келтириб чиқарган ва уч киши нобуд бўлган пайтда содир бўлди.