"Ўйин анча қизиқ бўлди. Мухлисларга маъқул келадиган учрашув бўлди деб ўйлайман. Учрашувни яхши бошлангандик, аммо 70-дақиқалардан сўнг ўйинимизда қандайдир ўзгариш бўлди ва бу бизга панд берди".
Мағлубиятга қарамай, бу ўйиндан қандай ижобий хулоса чиқариш мумкин?
Ҳозир жамоамизга янги болалар келиб қўшилди. Бу ўртоқлик ўйинида асосий кўзланган натижа чиқмаса ҳам, лекин бир-бирини кўпроқ тушунишни бошлаяпмиз. Бу ўйинда ҳам кўринмоқда деб умид қиламан ва биз янада кўпроқ ишлашимиз лозим.
10 дақиқа ичида ўйин натижаси ўзгариб кетди. Ана шу 10 дақиқада содир бўлган вазиятга, голларга қандай изоҳ бера оласиз?
Менимча, кўп орқага "ётиб олдик". Чунки биринчи бўлимда, иккинчи бўлим бошида олдинда ўйнаётган пайтимиз уларда унақа вазият бўлмаётган эди. Нимагадир бир пастга тушиб кетдик, ўша вазиятдан улар фойдаланиб кетди. Бу барибир ўзимизнинг хатомиз. Ортда ўйнаш кераклигини ҳеч ким бизга айтмади, негадир бутун жамоа орқага ётиб олдик. Бу бир кишининг хатоси эмас. Мана шунақа хатолардан хулоса чиқариш керак бўлади.
