Эслатиб ўтамиз, бугун клуб Майкл Кэррикни бош мураббийлик лавозимидан бўшатди. Унинг ўрнини АҚШ терма жамоасидан Маурисио Почеттино эгаллаши кутилмоқда. Маълумот ўрнида, "Юнайтед" АПЛнинг ортда қолган 10 туридан сўнг 8 очко жамғарган ҳолда турнир жадвалида 18-ўринни эгаллаб турибди.
Amazon компаниясининг Prime Video стриминг сервиси 2026/27 йилги мавсумда "МЮ" ҳақида ҳужжатли фильм суратга олмоқда. Мавжуд маълумотларга кўра, клуб бундан тахминан 15 миллион фунт ишлаб топади.
Жамоанинг аввалги мураббийи Рубен Аморим бундай ғояга вето қўйган эди, бироқ "Барчаси ёки ҳеч нарса" (All or Nothing) ҳужжатли сериали ижодкорларига рухсат бериш, шу жумладан, "Олд Траффорд"даги кийим алмаштириш хонасига кириш жараёни май ойида Кэррик шартнома имзолаб, бош мураббийга айланишидан олдинроқ бошланган эди. Кэррик клубнинг суратга олишга рухсат бериш қароридан унчалик хурсанд бўлмаса-да, вазиятни борлигича қабул қилди.
Бироқ, шундай мураккаб даврда камераларнинг ҳозир бўлиши қўшимча — жуда ташвишли ва кучли эътиборни юзага келтирди. Ўйинчилар ва клуб ходимлари эртами-кечми барча драматик воқеалар оммага ошкор бўлишини яхши тушуниб туришибди.
Мавсум бошида Amazon воқеаларнинг бу қадар кескин ривожланишини кутмаган эди. Клубдаги манбаларнинг хабар беришича, якунда юз берган ҳолатлар сабабли продюсерлар "ўз бахтларига ишонишмаяпти".
"Бу мавсумда "Юнайтед"да фақат битта ғолиб бор — бу Amazon", — деди клуб раҳбариятига яқин шахс The Telegraph нашрига.
