Россияликлар биринчи бўлимда икки тўп фарқи билан ортда қолганига қарамай, танаффусдан сўнг учта гол уриб, ғалабани қўлга киритишди.
Карпин Okko телеканалига берган интервьюсида жамоасининг биринчи бўлимдаги ўйинидан норози эканини таъкидлади.
“Ўйиндан жуда мамнунман, дея олмайман. Эҳтимол, иккинчи бўлимдан мамнундирман, аммо умумий ўйиндан эмас.
Шахсан менда салбий таассуротлар кўпроқ. Биринчи бўлимда кўрганимиз умуман биз истаган ўйин эмасди.
Танаффусда футболчилар билан гаплашдик, шиддат ва ғайратни оширдик. Шундан кейин ҳаммаси ўз ўрнига тушди”, – деди Карпин.
Эслатиб ўтамиз, 12 ноябрь куни Тошкентдаги “Пахтакор” марказий стадионида ўтказилган учрашувда Ўзбекистон терма жамоаси Россияга 2:3 ҳисобида имкониятни бой берди.
Россия терма жамоаси навбатдаги ўртоқлик учрашувини 17 ноябрь куни Краснодарда Венесуэлага қарши ўтказади.
