Championat.asia сайти турнинг энг яхшиларини аниқлади.
Тур мураббийи — Фарҳод Нишонов (“Олимпик-MobiUz”)
“Олимпик-MobiUz” ортда қолган турда Пролига етакчиси “Арал” билан баҳс юритиб, 2:1 ҳисобида ғалаба қозонди. Бунда жамоа бош мураббийи Фарҳод Нишоновнинг учрашув учун танлаган тактикаси катта ўрин тутди. Унинг шогирдлари майдонда ишончли ва мазмунли ўйин кўрсатди. Эътиборлиси, бу “Арал”нинг мавсумдаги илк мағлубияти бўлди. Шу тариқа, айнан Нишонов тур мураббийи сифатида эътироф этилди.
Тур футболчиси — Муҳаммадюсуф Мирқодиров (“Ғазалкент”)
“Ғазалкент” бу турда “Каттақўрғон” билан тўқнаш келиб, 4:2 ҳисобида ғалабага эришди. Бу муваффақиятда жамоа сардори Муҳаммадюсуф Мирқодировнинг ўрни беқиёс бўлди. У майдон марказини тўлиқ назорат қилди ва жамоасини олдинга бошлади. Бундан ташқари, 59-дақиқада жамоаси фойдасига пенальти ишлади. Шундай қилиб, 21 ёшли футболчи тур футболчиси номига лойиқ кўрилди.
Тур дарвозабони — Шаҳзод Шамсиддинов (“Лочин”)
“Лочин” бу турда Қаршида “ҚМУ Жайхун”ни меҳмон қилиб, кичик ҳисобда ғалаба қозонди (1:0). Бунда албатта дарвозабон Шаҳзод Шамсиддиновнинг ҳиссаси катта. Маҳоратли посбон бир қатор вазиятларда жамоас жонига ора кирди ва дарвозасини “қуруқ” сақлади. Шундай қилиб, айнан 29 ёшли Шамсиддинов Championat.asia талқинида тур дарвозабони деб топилди.
Тур голи — Диёр Тожиев (“Ғазалкент”)
Юқорида таъкидланганидек, “Ғазалкент” бу турда “Каттақўрғон”дан устун келди (4:2). “Каттақўрғон” ярим ҳимоячиси Диёр Тожиев 24-дақиқада ҳисобни тенглаштирувчи голни урди. У олис масофадан чап оёқдаги зарбаси орқали дарвоза пастки бурчагини муваффақиятли нишонга олди. Айнан шу гол турдаги энг чиройлиси сифатида қайд этилди.
