Zidan: "O'g'limning "Alaves"da o'ynashi hissiyotlar qo'shadi, ammo "Real" g'alaba qozonmoqchi"

Mezbonlar safida Zidanning o'g'li Enco o'ynaydi. Hozircha u "Alaves" safida Ispaniya chempionatida debyut qilmadi.

"Endi Enco bilan shogird emas, o'g'lim sifatida gaplasha olaman, chunki u mening jamoamda emas. Ha, uning o'yinlari bilan bog'liq hissiyotlarim ko'payishi mumkin, biroq bu "Alaves" - "Real" uchrashuvi va biz g'alabaga erishish uchun hamma ishni qilamiz. U gol urmaydi deb umid qilaman. Ikkimiz ham raqobatbardoshmiz va men g'olib bo'lmoqchiman. Agar o'g'lim haqida gaplashmoqchi bo'lsangiz, alohida intervyu qilamiz.

Agar ertaga bizda vaziyat bo'lsa, albatta undan foydalanamiz. CHempionatni yutqazib bo'ldik deb o'ylamayman, mavsum endi boshlandi. Hammada ko'tarilish va pasayishlar bo'lib turadi" - deydi Zidan.