Mbappe va Zidan bir jamoada o'naydi-mi?!

U Jazoir terma jamoasi sharafini himoya qilishi mumkin. Mamlakat futbol federaciyasi yaxshi ishlamoqda.

"Real Madrid" yulduzi Kilian Mbappening 18 yoshli ukasi Etan Jazoir terma jamoasi safiga borib qo'shilishi mumkin. Avvalroq, francuz futboli afsonasining o'g'li — Luka Zidan shunday yo'l tutgandi.

Jazoir Mbappeni o'z tarkibida ko'rmoqda. Biroq Etanga bu kerakmi?

"Foot Mercato"ning xabariga ko'ra, Jazoir futbol federaciyasi "Lill" yarim himoyachisi Etan Mbappeni tarkibiga jalb etish borasida ish olib bormoqda. 18 yoshli futbolchi onasi Fayza Lamari ajdodlari orqali Jazoir milliy terma jamoasiga jalb etilish huquqiga ega. 

Boshqa tomondan sportchining o'zi — "Marsel" futbol maktabidan chiqqan va francuz futboli tarbiyalanuvchisi hisoblanadi. Bundan tashqari u Franciya U-19 terma jamoasi safiga jalb etilgan. Takidlanishicha, uning kelajagi borasida yakuniy qaror qabul qilinmagan, Etanning o'zi bu borada qanday fikrda ekanligi nomalum.

Zidan kutmoqda

Jazoir terma jamoasi birinchi bor mashhur futbolchilarning yaqin qarindoshlarini tarkibiga chorlayotgani yo'q. U erda afsonaviy Zinedin Zidanning o'g'li, 27 yoshli "Granada" darvozaboni Luka o'ynamoqda. U sentyabr oyida rasman sportdagi fuqaroligini alishtirdi, oktyabr oyida esa terma jamoaga taklif oldi. Shu o'rinda eslatib o'tamiz, Luka vaqtida Franciya termasi safida U-17 Jahon chempionatida qatnashgan.

"Bu erda, Jazoirda, ekanligimdan xursandman, bu mening birinchi chaqiruvim — va qandaydir g'urur tuyg'usini his qilyapman. Biz jahon chempionati saralashining keyingi uchrashuvida g'olib bo'lmoqchimiz, bu muhim bahs. Odamlar bizni qo'llab-quvvatlashlariga ishonamiz", — deya Luka so'zlaridan iqtibos keltirgandi "RMC Sport".

Bosh murabbiy Vladimir Petkovich JCH-2026 saralashi doirasidagi so'nggi bahsda Uganda qarshi kichik Zidanga asosiy tarkibdan joy berdi. Golkiper o'yinni to'liq o'tkazdi, uchrashuv avvalida gol o'tkazib yuborgan bo'lsada, yakunda jamoasi 2:1 hisobida zafar quchishiga munosib hissa qo'shdi. Jadvaldagi vaziyat nuqtai nazaridan bahs hech nimani o'zgartirmasdi — avvalroq Jazoir Somalini yirik (3:0) hisobda yutib, mundial yo'llanmasini qo'lga kiritib ulgurgandi.

Lukaning otasining xalqaro faoliyati yutuqlarga boyroq bo'lgandi. U uzoq yillar davomida Franciya sharafini himoya qilgan va JCH-1998 hamda Evro-2000da g'olib bo'lishni uddalagan.

Jazoirlik muxlislarning esa Lukadan umidi katta. Shu o'rinda Etan Mbappedan ham. Agarda "Lill" yarim himoyachisi taklifni qabul qilsa, "sahro tulkilari" tarkibi chindan sezilarli ravishda kuchayib oladi. Axir yana qaysi jamoa tarkibida ham Zidan, ham Mbappe borligi bilan maqtana oladi?