Jasur Aslanov: "Men "SA"ga qanday kelganman?"

Bayram tuhfasi sifatida saytimiz o'quvchilariga yana bir yangi loyihani taqdim etamiz. Loyiha Men "SA"ga qanday kelganman? deb nomlanadi va unda sayt ijodkorlarining qanday qilib championat.asiaga kelishgani haqida so'z boradi.

"Men, Jasur Aslanov armiyadan keyin o'zimga ish qidira boshladim. Avvallari ham "SA"ga ko'p kirib turardim. Turli xil maqolalarni o'qirdim, o'yinlardan fotogalereyalarni telefonimga saqlab olardim. 2014 yilning may oylarida saytga har doimgidek xabarlarni ko'zdan kechirgani saytga kirdim va u erda ishchi (xorij xabarlarini kirituvchi) kerakligi haqidagi elonni o'qib qoldim.

SHu zahoti xabarda ko'rsatilgan raqamga sim qoqdim va ular menga qaerga kelishim kerakligini tushuntirishdi. Aytilgan manzilga bordim, meni eshik oldida Narzulla aka (Narzulla Saydullaev) kutib turar edi. Narzulla aka kaminani ichkariga taklif qildi va birga devorlari oyna bilan o'ralgan xonaga kirdik. Birozdan so'ng Nodirxo'ja Yuldashev kirib keldilar (ularning bo'ylari suratdagidan biroz pastroq ekan). Salom berdim va suhbat boshlandi. Ular mendan futbolga qanchalik qiziqishimni, oliy ligaga bo'lgan etiborimni so'radilar. Men kichkinaligimdan futbol bilan o'sganman, otam ham futbol shaydosi, shu sababli barcha savollarga ikkilanmay javob berdim (adashmasam).

Kichik suhbatdan so'ng Nodir aka menga tashrif qog'ozlarini (vizitka) berdilar va shu qog'ozda ko'rsatilgan elektron manzilga biror-bir kattaroq rus tilidagi intervyuni tarjima qilib jo'natishimni aytdilar. Kamina bu vazifani o'sha kuniyoq bajarib elektron pochta orqali jo'natdim. Bir necha kun o'tganidan so'ng qo'ng'iroq bo'ldi va meni sinov muddatiga ishga olishgani haqida xabar berishdi. Birinchi ish kunimda ko'p narsani tushunmasdim, chunki "SA"gacha bunday joylarda ishlamaganman. Sekin-asta bu erdagi hamma bilan tanishib oldim.

"SA"ga kelganimga 6 oy to'lgan bo'lsa ham, Nodirxo'ja Yuldashev, Xayrulla Xoliqov, Kamoliddin Alimov kabi ustozlardan va qolgan aka-ukalarimdan ("SA" - bir oila) kerakli bilimlarni o'rganishda davom etyapman. Mana shunaqa!"